माघ २५ कैलाली । दुर्लभ वन्यजन्तु जीवित सालक सहित एकजनालाई प्रहरीले पक्राउ गरेको छ । कैलालीको लम्कीचुहा नगरपालिका वडा नम्बर १ का जनक चौधरीलाई प्रहरीले पक्राउ गरेको हो ।
चौधरीले सालक लुकाई राखेको भन्ने सूचनाको आधारमा प्रदेश प्रहरी कार्यालय धनगढी र इलाका प्रहरी कार्यालय लम्कीबाट खटिएको संयुक्त टोलीले उनलाई उक्त जीवित सालक सहित फेला पारी पक्राउ गरिएको प्रहरीले जानकारी गराएको हो ।
उनलाई उक्त सालक सहित आवश्यक अनुसन्धानको लागि सव डिभिजन वन कार्यालय लम्की पठाइएको प्रहरीले जनाएको छ ।
