माघ २३ काठमाण्डौ । नेपालमा थप १ हजार ३ सय ८६ जनामा कोरोना भाईरस संक्रमणको पुष्टि भएको छ भने कोरोना भाइरस संक्रमणका कारण देशभरमा थप ११ जनाको मृत्यु भएको छ ।
पछिल्लो २४ घण्टामा देशभर ९ हजार २ सय ५१ जनाको नमुना परीक्षण गर्दा थप १ हजार ३ सय ८६ जनामा कोरोना भाईरस संक्रमणको पुष्टि भएको हो । पछिल्लो २४ घण्टामा ६ हजार ४ सय ४३ जनाको पीसीआर परीक्षण गर्दा १ हजार १ सय ८३ र दुई हजार ८ सय ८ जनाको एन्टीजेन परीक्षण गर्दा २ सय ३ गरी १ हजार ३ सय ८६ जनामा कोरोना भाइरस संक्रमणको पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यसैगरी पछिल्लो २४ घण्टामा कोरोना संक्रमणबाट ८ हजार ७ सय ४ जना संक्रमण मुक्त भएको स्वास्थ्य मन्त्रालयले जनाएको छ । हाल देशभर ४५ हजार २ सय ४८ कोरोना संक्रमित रहेको स्वास्थ्य मन्त्रालयले जनाएको छ । ४३ हजार ९ सय ३२ जना कोरोना संक्रमित होम आइसोलेसनमा रहेका छन् भने एक हजार ३ सय १६ जना आइसोलेसनमा रहेको स्वास्थ्य मन्त्रालयले जनाएको छ ।
उनीहरु मध्ये २ सय ६९ जनाको आईसीयू र ४६ जनाको भेन्टिलेटरमा उपचार भइरहेको स्वास्थ्य मन्त्रालयले जनाएको छ । आइतबार थपिएसँगै नेपालमा कोरोना संक्रमितको कूल संख्या ११ लाख ६ सय ८९ रहेको स्वास्थ्य मन्त्रालयले जनाएको छ ।
त्यस्तैगरी नेपालमा मृत्यु हुनेको संख्या ११ हजार ६ सय १४ पुगेको स्वास्थ्य मन्त्रालयले जनाएको छ । भने ९ लाख ९ हजार ३ सय ४३ जना संक्रमणमुक्त भएको स्वास्थ्य मन्त्रालयले जनाएको छ । त्यस्तैगरी १० वर्ष मुनिका २८ जना बालबालिकामा कोरोना संक्रमणको पुष्टि भएको छ भने ११ देखि २० वर्ष उमेर समूहका ५५ जनामा संक्रमणको पुष्टि भएको स्वास्थ्य मन्त्रालयले जनाएको छ ।
