माघ २२ कञ्चनपुर
दुई जना भारतीय नागरिकले कञ्चनपुरमा एक घरका सबै सदस्यहरुलाई बेहोस बनाएर लुटपाट गरेका छन् ।
शुक्रबार कञ्चनपपुरको भीमदत्त नगरपालिका वडा नम्बर –३ को शुभप्रभात टोलका स्थानीय सन्तोश पाण्डेको घरमा घरमा दुई दिन अगाडि मात्र कोठा भाडा लिएर बस्दै आएका दुई जना भारतिय नागरिकले सबैलाई बेहोस बनाएर लुटपाट गरेका हुन । परिवारका सबै सदस्यलाई बेहोस बनाएर शुक्रबार राति घरमा लुटपाट गरेको
जिल्ला प्रहरी कार्यालय कञ्चनपुरका प्रवक्ताप्रहरी नायब उपरीक्षक(डीएसपी) चक्रबहादुर शाहले जानकारी गराउनु भयो । ‘दुई दिन अघि मात्र घरमा कोठा भाडा लिएर बस्ने गरेका दुई जना भारतीय नागकिरले शुक्रबार राति श्रीमतीको जन्मदिन परेको भन्दै मिठाइ र केक खुवाएर मिठाइ र केकमा नसालु पदार्थ मिसाएर खुवाएका कारण घरका सबै सदस्र्य बेहोस बनाएर लुटपाट गरेको उनले जानकारी गराए ।
नायब उपरीक्षक शाहले पाण्डे, उनकी श्रीमती कमला, २० वर्षीया छोरी सोना, १८ वर्षीय छोरा सन्दिप र १४ वर्षीय छोरा सुदिप बेहोस अवस्थामा घरमै भेटिएको बताए । उनीहरुको महाकाली प्रादेशिक अस्पतालमा उपचार भइरहेको जानकारी गराउदै सबैको अवस्था सामान्य रहेको उनले बताए ।
लुटपाटमा संलग्न भारतीय नागरिकको पहिचान भने खुल्न नसकेको जानकारी गराउदै उनले घरमा रहेको गरगहना, नगद, मोबाइल, कम्प्युटर लगायतका सरसामान चोरी गरेको पीडितले बताएको जानकारी गराए । चोरीमा संलग्न उनिहरुको खोजी भइरहेको प्रहरी नायब उपरीक्षक शाहले बताउनु भयो ।