माघ २१ काठमाण्डौ । नेपालमा गत २४ घण्टामा २ हजार ५ सय २६ जनामा कोरोना संक्रमणको पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ६ सय ५५ जनाको पिसिआर र ४ हजार ४ सय १८ जनाको एन्जेन्ट गरी ११ हजार ७३ जनाको परीक्षण गरिएकोमा २ हजार ५ सय २६ जनामा कोरोना संक्रमणको पुष्टि भएको हो ।
त्यसैगरी गएको २४ घण्टामा कोरोना संक्रमणका कारण १६ जनाको मृत्यु भएको स्वास्थ्य मन्त्रालयले जनाएको छ ।
यो अवधिमा ८ हजार ४ सय २५ जना संक्रमणमुक्त भएको पनि मन्त्रालयले जनाएको छ । त्यसैगरी सक्रिय संक्रमितको संख्या ५६ हजार ४ सय ५७ रहेको मन्त्रालयले जनाएको छ ।
