माघ २० धनगढी । सुदूरपश्चिम प्रदेशमा हाल सम्म १६ लाख भन्दा बढीले कोरोना विरुद्धको खोप लगाएका छन् । प्रदेशका ९ वटै जिल्लामा हालसम्म १६ लाख ६ हजार ६ सय ७३ जनाले कोरोना विरुद्धको पहिलो मात्रा खोप लगाएका हुन् । पूर्ण मात्रा भने ११ लाख ४ हजार ९ सय ४६ जनाले खोप लगाएको स्वास्थ्य निर्देशनालयले जनाएको छ ।
प्रदेशको सबै भन्दा बढी कैलालीमा ४ लाख ७२ हजार ९ सय ७४ जनाले पहिलो मात्रा खोप लगाएका छन । भने ३ लाख ५५ हजार ७ सय २० जनाले पूर्ण मात्राको खोप लगाएको स्वास्थ्य निर्देशनालयले जनाएको छ ।
त्यस्तैगरी प्रदेशको सबै भन्दा कम डडेल्धुराका ६५ हजार ६ सय ७ जनाले पहिलो र ५९ हजार ५ सय ५७ जनाले पूर्ण दोस्रो मात्रा खोप लगाएको स्वास्थ्य निर्देशनालयले जनाएको छ ।
सुदरपश्मि प्रदेशको कञ्चनपुर जिल्लामा ३ लाख ४२ हजार ६ सय ५१ जनाले पहिलो र २ लाख ४४ हजार २ सय ५१ जनाले पूर्ण मात्रा, खोप लगाए का छन । बैतडीका १ लाख ५२ हजार ६ सय २९ जनाले पहिलो र ९४ हजार १ सय ८३ जनाले पूर्ण मात्राखोप लगाएका छन भने,, अछामका १ लाख ३७ हजार ४ सय ५२ जनाले पहिलो र ९१ हजार २१ जाले पूर्ण मात्रा खोप लगाएका छन । त्यसैगरी बाजुरामा १ लाख २४ हजार ९ सय २५ जनाले पहिलो र ७४ हजार ३ सय ४५ जनाले पूर्ण खोप लगाएको स्वास्थ्य निर्देशनालयले जनाएको छ ।
त्यसैगरी डोटीका १ लाख २० हजार ५ सय ७२ जनाले पहिलो र ६५ हजार ५ सय ७५ जनाले पूर्ण मात्रा खोप लगाएका छन, बझाङका ९९ हजार ८ सय ४४ जनाले पहिलो र ५६ हजार ३८ जनाले पूर्ण मात्रा खोप लगाएका छन । बाँकी पेज २ मा त्यसैगरी दार्चुलाका ९० हजार १९ जनाले पहिलो र ६२ हजार २ सय ५६ जनाले पूर्ण मात्रा लगाएको स्वास्थ्य निर्देशनालयले जनाएको छ ।
सुदूरपश्चिम प्रदेशमा कोभिसिल्ड, एस्ट्राजेनिका, मोडर्ना, जन्सन, भेरोसेल र फाइजर खोप लगाएको स्वास्थ्य निर्देशनालयले जनाएको छ । सुदूरपश्चिम प्रदेश स्वास्थ्य निर्देशनालयका कोभिड–१९ सम्पर्क व्यक्ति हेमराज जोशीले प्रदेशका सबै जिल्लामा खोप अभियान सञ्चालनमा रहेको जानकारी गराउनु भयो । भारतमा कोरोनाको नयाँ भेरियन्ट ओमिक्रोन तीव्र रूपमा फैलिएसँगै त्यसको प्रभाव यस प्रदेशमा पनि देखिएको सुदूरपश्चिम प्रदेश स्वास्थ्य निर्देशनालयले जनाएको छ । हाल यहाँका नाकाबाट फर्किने अधिकांशमा कोरोना सङ्क्रमण देखिन थालेका छ ।
भारतसँगका यहाँका झुलाघाट, पुलघाट, जौलजिवी, गड्डाचौकी र त्रिनगर नाकाबाट स्वदेश फर्किनेको क्रम बढेको स्वास्थ्य निर्देशनालयले जनाएको छ । भारतमा ओमिक्रोनको सङ्क्रमण तीव्र रूपमा फैलिरहेकाले यहाँका नाकामा स्वास्थ्य चेकजाँचमा कडाइ गरिएको छ । यस प्रदेशमा समेत माघ दोस्रो साता चार जनामा ओमिक्रोन पुष्टि भइसकेकाले सीमानाकामा थप कडाइ गरिएको जोशीले जानकारी गराउनु भयो । उनले सीमानाकामै हेल्थ डेस्क स्थापना गरी एन्टीजेन परीक्षण मार्फत परीक्षणको काम भइरहेको बताउदै भारतबाट आउनेलाई नाकामै खोप लगाउने प्रबन्ध समेत मिलाएको बताउनु भयो ।
सीमानाकामा थप प्रभावकारी ढङ्गले स्वास्थ्य परीक्षण र होल्डिङ सेन्टरको प्रबन्ध गरिएको र विगतको भन्दा थप सबल व्यवस्थापनका लागि स्वास्थ्य टोली खटाइएको उनले बताउनु भयो ।
यसका साथै कोभिड–१९ सम्पर्क व्यक्ति जोशीले कोरोना भाइरसको रोकथाम र नियन्त्रणका लागि कोरोना विरुद्धको खोप अभियान बढाइएको बताउदै प्रदेशका सबै स्थानीय तहमा हाल कोरोना विरुद्धको खोप अभियान पनि जारी रहेकोले सबैलाई खोप लगाउन पनि आग्रह गरिएको बताउनु भयो ।
सुदूरपश्चिम प्रदेशमा हालसम्म ४ लाख ८१ हजार १ सय २ जनाको कोरोना परीक्षण गरिएकोमा ५८ हजार २ सय ८२ जनामा संक्रमण भइसकेको बताउदै उनले कोरोना संक्रमणकै कारण प्रदेशमा ६ सय २४ जनाको मृत्यु भइसकेको बताउनु भयो ।
