माघ १३ काठमाण्डौ,
अनुमती बिना फोटो र भिडियो खिचेर सामाजिक संजालमा हाले कारबाही गरिने भएको छ । गृहमन्त्रालयले सम्बन्धित व्यक्तिको अनुमति बिना कुनै प्रकारको फोटो र भिडियो खिचेर सामाजिक सञ्जालमा प्रकाशन गरेमा कारबाही गरिने बताएको हो । मन्त्रालयले विहीबार सूचना जारी गरी सम्बन्धित व्यक्तिको अनुमतिबिना फोटो खिचेर र ‘भिडियो’ बनाएर कुनै जानकारी नगरार्ई सहमति र अनुमतिबिना सामाजिक सञ्जालमा प्रकाशन गर्ने जोसुकैलाई प्रचलित कानूनबमोजिम कारबाही गरिने जानकारी गराएको हो । सार्वजनिकस्थलमा ख्यालठट्टाका नाममा गोप्यरूपमा भिडियो तयार गरी सामाजिक सञ्जालमा राख्ने गरिएको गुनासो मन्त्रालयलाई प्राप्त भएकाले सर्वसाधारणलाई शारीरिक तथा मानसिक सास्ती दिने जस्ता गतिविधि नगर्न गृहमन्त्रालयले सम्बद्ध सबैलाई सचेत गराएको छ ।