माघ १२ कञ्चनपुर,
कञ्चनपुरमा अटो र मोटरसाइकल एकआपसमा ठोक्किँदा ७ जना घाइते भएका छन् । बुधबार कञ्चनपुरको पुर्नवास नगरपालिका वडा नम्बर २ माइली बजारमा लु २ स ००८१ नम्बरको अटो र से १ प ७६४४ नम्बरको मोटरसाइकल एक आपसमा ठोक्किँदा ७ जना घाइते भएका हुन । ७ जना घाइते मध्ये ४ जनाको सेती प्रादेशिक अस्पतालमा उपचार भइरहेको इलाका प्रहर कार्यालय त्रिभुवन बस्तिका प्रहरी निरीक्षक कैलाश सिंह विष्टले जानकारी गराउनु भयो । यसैगरी मोटरसाइकल चालक रामभजन राना, राजेन्द्र मिजार सुनार, राधेश्याम राना र आकाश विकको सेती प्रादेशिक अस्पतालमा उपचार भइरहेकोे प्रहरी निरीक्षक विष्टले जानकारी गराउनु भयो । धाइते मध्ये २ जनाको अवस्था गम्भीर रहेको विष्टले जानकारी गराउनु भयो । बाँकी ३ जनाको स्थानीय स्वास्थ्य चौकीमा उपचार भइरहेको प्रहरीले जानकारीको छ ।