माघ ४ धनगढी पछिल्लो २४ घण्टामा देशभर १० हजार २ सय ५८ जनामा कोरोना संक्रमणको पुष्टि भएको छ । एन्टिजेन र पीसीआर विधिबाट २२ हजार ८ सय २८ जनाको नमूना परीक्षण गर्दा १० हजार २ सय ५८ जनामा संक्रमणको पुष्टि भएको हो ।
मंगलवार १७ हजार ८ सय ७२ नमूनाको पीसीआर र ४ हजार ९ सय ५६ जनाको एन्टिजेन परीक्षण गरिएको स्वास्थ्य तथा जनसंख्या मन्त्रालयले जनाएको छ ।
पीसीआर परीक्षणबाट ८ हजार ७ सय ३० र एन्टिजेन परीक्षणबाट १ हजार ५ सय २८ जना गरि १० हजार २ सय ५८ जनामा संक्रमणको पुष्टि भएको मन्त्रालयले जनाएको छ । त्यसैगरी देशभरमा १ जनाको कोरोना संक्रमणका कारण मृत्यु भएको छ । यो संगै कोरोना संक्रमणबाट हाल सम्म ११ हजार ६ सय २४ जनाको मृत्यु भएको मन्त्रालयले जानकारी दिएको छ । त्यस्तैगरी पछिल्लो २४ घण्टामा देशभरका विभिन्न स्थानबाट ५ सय ६२ जना कोरोना संक्रमणबाट मुक्त भएका छन् ।
हाल सम्म देशभर ३९ हजार ४४ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।