संयुक्त राष्ट्रसंघले हाइटीमा एक गिरोहद्वारा जिउँदै जलाइएका दुई पत्रकारको हत्याको निन्दा गरेको छ । दुई पत्रकारलाई जिउँदै जलाइएको घटनाको संयुक्त राष्ट्र संघले निन्दा गरेका राष्ट्रसंघका प्रवक्ता स्टेफेन डुजारिकले पत्रकार सम्मेलनमार्फत बताएका छन् ।
‘कहिलेकाँही तपाईंसँग शब्दहरू समाप्त हुन्छन्’ दुजारिकले दुई पत्रकारको हत्यामा टिप्पणी गर्न सोध्दा भने। ‘हामी यस विभत्स हत्याको स्पष्ट रूपमा निन्दा गर्छौं। यो धेरै महत्त्वपूर्ण छ कि राष्ट्रिय अधिकारीहरूले अपराधीहरूलाई पत्ता लगाउन, उनीहरूलाई न्यायको कठघरामा ल्याउन सक्दो सहयोग गर्नुपर्दछ’ डुजारिकले थपे।
हाइटी २४ समाचार आउटलेटले जनाएअनुसार दुई पत्रकारहरू एक आपराधिक समूहका सशस्त्र सदस्यहरूबाट गोली हानिएका थिए। अर्का एक पत्रकार भने हमला भएको स्थानबाट भाग्न सफल भएको रिपोर्टमा उल्लेख छ । हाइटीले लामो समयदेखि गरिबी, गिरोह हिंसा र राजनीतिक संकटको सामना गरिरहेको छ । सन् २०२१ को जुलाईमा राष्ट्रपति जोभेनेल मोइसको हत्यापछि राजनीतिक सङ्कट गहिरिँदै गएको छ ।
