देशको स्वतन्त्रताका लागि,ब्याबश्था परिबर्तनका लागी प्रजातन्त्रका लागी गणतन्त्रका लागी जीवन आहूति दिने महान शहीदहरुको सम्झनामा सरकारले शहिद दिवस मनाउने गरेको छ । नेपाली जनतालाई स्वतन्त्र र सार्वभौमसत्ता सम्पन्न नागरिक बनाउन निरङ्कुश र तानासाही शासन व्यवस्था विरुद्धका आन्दोलनमा आफ्नो जीवन बलिदान गर्ने वीर वीरङ्गना प्रति सम्मान स्वरुप यो दिवस मनाउने गरिएको हो । नेपाली जनतालाई पूर्ण राजकीयसत्ता र सार्वभौमसत्ता सम्पन्न बनाउन आफ्नो जीवन उत्सर्ग गर्ने अमर शहीदहरु प्रति श्रद्धा व्यक्त गर्दै उनीहरुको साहस, संकल्प र आदर्शलाई सम्मान सहित शहिद प्रति हामी पनि सच्चा श्रद्धाञ्जली अर्पण गर्न चाहान्छौ । आफ्नो जीवनको बलिदानी दिएर बाँचेकालाई सुम्पिएको राष्ट्रिय जिम्मेवारी पूरा गर्न र नेपाललाई एक सुन्दर, शान्त र समुन्नत राष्ट्र बनाउन शहीद दिवसले सबैलाई प्रेरणापनि दिएको छ । तर आज सहिदहरुलाई एक दिन मात्र सम्झने काम हुदै आएको छ । यो देश र जन्ताकै लागी दुरदशा हो । शहीदहरूको बलिदानबाट प्राप्त सङ्घीय लोकतान्त्रिक गणतन्त्रात्मक शासन व्यवस्थामा रमाई रहेका नक्ली परिबर्तनबादीहरुले अझै शहिदको मर्म र भावना विपरित काम गरेको पाईन्छ । यो अत्यन्तै दुखदायी विषय हो । शहीदप्रति सच्चा श्रद्धाञ्जलि गर्न चाहनेहरुले दिगो शान्ति, सुशासन, विकास र समृद्धिकोबाटो पछ्याउदै उनिहरुले देखेको सपना पूरा गर्न जरुरी छ । प्रत्येक वर्ष माघ १६ गते राष्ट्रको लागी जीबन उत्सर्ग गर्ने महान शहीदलाई एक दिन सम्झने गरे पनि पछिल्लो समयमा सहिदको योगदानलाई नेताहरुले विर्सदै गएका छन । शहिद दिवसको दिन सार्वजनीक विदा समेत दिने गरिएको छैन । औपचारिक कार्यक्रममा शहीदको सपना पूरा गर्न लागि परेको प्रतिबद्धता गर्ने नेताहरुले शहिदलाई विर्सनु सामान्य भए पनि देश र जन्ताहरुका लागी धोका हो । माघ १० देखि १६ गतेसम्म विभिन्न कार्यक्रमका साथ शहीद सप्ताह मनाउने घोषणा गरेको सरकारलेनै यसको उपेक्षा गर्दै आएको छ । औपचारीक्ता पूरा गर्न नामको मात्र शहिद सप्ताह मनाउने गरीएको छ । नामको मात्र शहिद दिवस नभई शहिदले देखाएको बाटो हिड्दै शहिदले देखेको सपना साकार पारौ । शहिदलाई कहिल्यै नविर्सौ ।