आज थप ६ हजार ८ सय २७ जनामा कोरोना संक्रमणको पुष्टि
माघ १४ धनगढी,
नेपालमा विगत २४ घण्टामा थप ६ हजार ८ सय २७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयको जानकारी अनुसार २४ घण्टामा १३ हजार ७ सय ९१ जनाको पीसीआर परीक्षण गर्दा ४ हजार ८ सय ७ जना र ६ हजार ७८ जनाको एन्टीजेन परीक्षण गर्दा २ हजार २० जना गरी ६ हजार ८ सय २७ जनामा कोरोना भाइरसको संक्रमण देखिएको हो ।
त्यस्तै, २४ घण्टामा देशभर १० जना कोरोना संक्रमितको मृत्यु भएको छ । मन्त्रालयका अनुसार शुक्रवार २४ घण्टाको अवधिमा कोरोना संक्रमणबाट १० जनाले ज्यान गुमाएका छन् । यससँगै नेपालमा कोरोना संक्रमणका कारण मृत्यु हुनेको संख्या ११ हजार ६९७ पुगेको स्वास्थ्य तथा जनसंख्या मन्त्रालयले जनाएको छ । हाल देशभर सक्रिय संक्रमितको संख्या ८९ हजार ९४१ जना पुगेको छ ।
यसैगरी, शुक्रवार ५ हजार ४ सय ३२ जना निको भएसँगै हालसम्म ८ लाख ४२ हजार ४ सय ३६ जना कोरोना संक्रमणबाट मुक्त भएका छन् ।