पौष १२ धनगढी । धनगढी वैयावेहडी स्थित शारदा माध्यमिक विद्यालयमा अध्ययन गरेका कैलालीको गौरिगङ्गा नगरपालीकाका विद्यार्थी रोशन खड्काले स्नातक तहमा एमबिबिएस अध्ययन गर्न खुला प्रतिस्पर्धाबाट उत्कृष्ट १० औँ स्थानमा नाम निकाल्न सफल भएका छन् ।
गौरिगंगाकै स्थानीय विद्यालयमा आधारभूत तह पढेर कक्षाा ९ र १० शारदा माध्यमिक विद्यालयमा पढेका उनले स्नातक तहमा एमबिबिएस अध्ययन गर्न खुला प्रतिस्पर्धाबाट उत्कृष्ट १० औँ स्थानमा नाम निकाल्न सफल भएका हुन ।
माध्यमिक शिक्षा परिक्षा (एसइइ) मा ३.८५ समग्र जिपीए ल्याएर काठमाडौं उपमहानगरको निःशुल्क छात्रवृत्तिमा काठमाडौं मोडेल कलेजमा ११ र १२ अध्ययन गरेका थिए ।
कक्षा १२ मा पनि ३.९४ समग्र जिपीए ल्याएर उनले हालै महाराजगञ्ज स्थित त्रिभुवन विश्वविद्यालय शिक्षण अस्पतालमा एमबिबिएस अध्ययनको प्रवेश परिक्षामा उत्कृष्ट १० औँ स्थानमा नाम निकाल्न सफल भएका हुन् ।
उक्त प्रवेश परिक्षामा १८ हजार १ सय ८१ जना विद्यार्थीहरु सहभागी भएका थिए । कठीन यात्रा र मेहनतबाट आफ्नो गाउँ र परिवारको पहिलो डाक्टर बन्ने सपनाको सुखद प्रारम्भ गर्न पाउँदा खुसी लागेको उनले बताएका छन् ।
