चालू आर्थिक वर्ष सकिन केही दिन मात्रै बँ“की छन । ११ महिना सम्म गर्न नसकिएका काम असार महिनामा सकिने संस्कार पुरानै हो । जसरी भए पनि बजेट सक्नु पर्ने महीना हो असार ।
हतारमा गरिने काम अर्थात असारमा गरिने काम विकास नभई विनास मात्र हो भनेर बुझन जरुरी छ । कार्यकर्ता पाल्न र कमीशनका लागी बजेट सक्ने उदेश्यले गरिने काम राम्रो हुनै सक्दैन । राम्रो काम गर्न समयमै काम गर्न सक्नु पर्छ ।
११ महिना चुप लागेर बस्ने र असारमा हतार गर्ने कार्यले देशको उन्नती प्रगती हुन सक्दैन भन्ने कुरा बुझन जरुरी छ । बरु बजेट फ्रिज जावस केही फरक पर्दैन, राज्यकै ढुकुटीमा जान्छ । फेरी विकासकै लागी आउछ । हतारमा बजेट सक्न गरिने असारे विकासले नता विकास हुन्छ नता रकम नै बच्छ । त्यसैले बजेट त्यतीकै सक्नु भन्दा फ्रिज हुनु नै जाती ।
त्यसैले असारे विकासलाई रोक्न जरुरी छ । बजेट खर्चको स्थितिलाई पनि सुधार गर्न जरुरी छ । ११ महिनाको अवधिमा थोरै प्रतिशत मात्रै बजेट खर्च गरिने र असारमा प्रतिशत हवात्तै बढ्ने गरी खर्च गरिने परिपाटीको अन्त्य गर्न जरुरी छ ।
हतारमा बजेट सक्ने काम नगरौ । समयमै बजेट खर्च गरौ । हतारको काम लतार पतार हुने भएकाले गरेको काम टिकाउ हुन जरुरी छ । समग्रमा आसेपासेलाई पोष्न र बजेट सक्ने गरिेने परिपाटीको अन्त्य गर्न जरुरी छ ।
समय छदै अख्तीयारी लिएर समयमै योजना सम्पन्न गर्ने गरी काम गर्न जरुरी छ । नाताबाद कृपाबाद नगरी समग्र देश र जनताका विषयमा सोच्न जरुरी छ । समयमै बजेट खर्च गरी असारमा बजेट सक्ने परिपाटीको अन्त्य गर्न जरुरी छ ।
