चैत्र १५ धनगढी । आगामी वैशाख ३० गते हुने स्थानीय तह निर्वाचनमा कैलालीमा २३ दलले निर्वाचनमा भाग लिने भएका छन ।
निर्वाचन आयोगका प्रवक्ता शालिग्राम शर्मा पौडेलले जिल्लामा २३ दलले निर्वाचनमा भाग लिने जानकारी गराएका हुन् ।
त्यस्तैगरी कञ्चनपुरमा १९ दल, बाजुरामा नौ दल, बझाङमा सात दल, डोटीमा नौ दल, अछाममा १० दल, दार्चुलामा १० दल, बैतडीमा १० दल, र डडेल्धुरामा १० दलले निर्वाचनमा भाग लिने भएका छन् । आयोगले स्थानीय तह निर्वाचनका लागि १० हजार ७ सय ६५ मतदान केन्द्र र ११ हजार ९ सय ६६ मतदानस्थल कायम गरिएको जनाएको छ ।
आयोगले राष्ट्रिय मान्यता प्राप्त छ वटा दलबाहेक निर्वाचन प्रयोजनका लागि विभिन्न जिल्लामा दर्ता भएका साना दलहरुले पनि आफ्नै निर्वाचन चिन्हमा चुनाव लड्न पाउने निर्णय गरेको हो । देशभर ७९ वटा राजनीतिक दलहरुले आफ्नै चुनाव चिन्हमा उम्मेदवारलाई उठान पाउने भएका छन् ।