चैत्र ०४ धनगढी । कैलालीको लम्कीचुहा नगरपालिका वडा नम्बर–७ हरदानीका डम्बर बहादुर बम मुख्यमन्त्रीको प्रेस सल्लाहकारमा नियुक्त भएका छन ।
२०६२ साल देखि पत्रकारितामा आबद्व बमलाई मुख्यमन्त्री शाहले सोमबार प्रेस सल्लाहकारमा नियुक्त गरेका हुन ।
धनगढीको सेती समाचार दैनिकबाट पत्रकारिता सुरुगरेका बमले धनगढी पोस्ट, अनुमोदन दैनिक, दिनेश एफएम, कोशेली एफएम, बिज एफएम लगायतका सञ्चार माध्यममा काम गरेको अनुभव छ ।
बमले राष्ट्रिय समाचार समितिमा पनि काम गरिसकेका छन । उनी अहिले नवीन सन्देश मासिकमा सहसम्पादक र न्युज दैनिकमा कार्यरत रहेका छन् ।
बमले राजनीतिशास्त्र र व्यवस्थापन संकायमा स्नातकोत्तर तहसम्मको अध्ययन गरेका छन् भने कानुन संकायमा पनि स्नातक उत्तीर्ण गरेका छन् ।
