चैत ०६,धनगढी । कैलालीमा साइकलयात्रीलाई बसले ठक्कर दिएको छ। प्रहरीका अनुसार शनिबार जिल्लाको घोडाघोडी नगरपालिका–२ पाण्डे चोक नजिक बसले ५० वर्षीय साइकलयात्री मनिराम चदारालाई ठक्कर दिएको हो।
बसको ठक्करबाट गम्भीर घाइते भएका चदाराको घोडाघोडी अस्पतालमा उपचार भइरहेको छ। उनलाई अस्पतालले थप उपचारका लागि अन्यत्र लैजान भनिसकेको प्रदेश ट्राफिक प्रहरी कार्यालय अत्तरियाले जनाएको छ। चदारा कालीकोटको राजपुर नगरपालिका(३ का रहेका बताइएको छ। बसको नम्बर नखुलेको र बससहित चालक फरार रहेको प्रहरीले बताएको छ।
