फागुन २२ धनगढी । स्वतन्त्र विद्यार्थी यूनीयन निर्वाचन कार्यलयमा गरीएको तालाबन्दी प्रति अनेरास्ववियू (क्रान्तिकारी) ले ध्यान आर्कषण गराएको छ । नेपाल कम्युनिष्ट पार्टी माओबादी केन्द्र निकट अनेरास्वबियु (क्रान्तीकारी) सुदूरपश्चिम प्रदेश समितीले तालाबन्दी प्रति ध्यान आर्कषण गराएको हो ।
क्रान्तीकारीका अध्यक्ष बिर बहादुर थापाले हस्ताक्षर गरेको विज्ञप्तीमा महान तथा गौरवशाली संगठन लामो त्याग, तपस्या, समर्पण र बलिदानको गौरवपूर्ण इतिहास बोकेको, शैक्षिक क्षेत्रमा रहेका बिकृती बिसङ्गतीका विरुद्धका आन्दोलनको मात्र नभई सामाजिक, आर्थिक, राजनीतिक आन्दोलनको पनि अगुवाइ गर्ने र अग्रमोर्चामा उभिने सङ्गठन भएको उल्लेख गरिएको छ ।
शिक्षामा व्याप्त निजीकरण, माफियाकरण, व्यापारिकरणका विरुद्ध, राष्ट्रियता, जनतन्त्र र जनजिविकाको पक्षमा निरन्तर संघर्ष गर्दै आईरहेको पनि उल्लेख गरिएको छ ।
निर्वाचन प्रमुखको कार्यकक्षमा छलफलको क्रममा सगठनका केन्द्रीय उपमहासचिव, ऐश्वर्य बहुमुखी क्याम्पस अखिल (क्रान्तिकारी) ईकाई अध्यक्ष तथा यहि चैत्र ५ गते हुनगईहेको स्ववियू निर्वाचनको अध्यक्षको उम्मेदवार क. विकास बिस्ट र निर्वाचन अधिकृत माथि एमाले निकट अनेरास्ववियुका कैलाली जिल्ला अध्यक्ष तथा वर्तमान स्ववियू सभापति लगायत अनेरास्ववियु को कार्यकर्ताले हातपात गरेर निर्वाचनका कागजपत्रहरु च्यात्ने र निर्वाचनको कार्यलयमा तालाबन्दी गरेको घटना प्रति सङ्गठनको गम्भीर ध्यानाकर्षण भएको उल्लेख
गरिएको छ ।
हार मानसिकताको उपजका रुपमा देखाईएका यस्ता गैर राजनैतिक र अनैतिक घटनाको अनेरास्ववियू (क्रान्तिकारी घोर भत्सर्ना र निन्दा गर्दछ विज्ञप्तीमा भनिएको छ ।
उक्त घटनामा सङलग्न व्यक्तिलाई कडाभन्दा कडा कार्वाहीका लागि सम्बन्धित निकायलाई विज्ञप्ती मार्फत जोडदार माग समेत गरिएको छ । अन्यथा सङ्गठन चुप लागेर नबस्ने चेतावनी पनि प्रेस विज्ञप्ति मार्फत दिईएको छ ।
