जगत जैगडी,मंसिर २३ धनगढी । नायल कृषि सहकारी संस्था लिमीटेडको तेस्रो साधारण सभा सम्पन्न भएको छ । नायल कृषि सहकारी संस्था लिमीटेडका अध्यक्ष पदमराज गिरीको सभापतित्व र सुदूर पश्चिम प्रदेशका भुमि तथा कृषि सहकारी मन्त्री बिरवहादुर थापाको प्रमुख आथित्यमा सम्पन्न भएको हो । मन्त्री थापाले कार्याक्रममा पानसमा दियो बालेर उद्धाघाटन गरेका थिए । उद्धाघाटन कार्यक्रम बोल्दै मन्त्री थापाले नायल सहकारीले छोटो समयमा प्रगति गरेको बताउँदै सहकारी समिती धेरै सकृय भएको बताए ।

उनले देशका धेरै सहकारी संचालकले गर्दा सहकारीको बेइज्जत भएको बताउदै सुदूरपश्चिका व्यक्तिले संचालन गरेको सहकारीमा समस्या नभएको बताए । उनले अरु ठाउँबाट आएका ब्याक्तिहरुले सञ्चालन गरेका सहकारीमा समस्या भएको बताए । सहकारीले गाउँघरमा उत्पादन गरेका वस्तु बजारीकरण गर्ने काम सहकारीले गरेको बताए । उनले सुदूरपश्चिम प्रदेशमा किसानले उत्पादन गरेका बस्तु बजारीकरण गर्न समस्या भईरहेको अबश्थामा अर्को तिर अहिले किसानलाई छाँडा चौपायले हैरान गरेको बताए ।

किसानले गाईबस्तु पाल्न छोड्डा प्राङगारिक मलको अभाव भएको बताउदै उनले अहिले उत्पादन गरेका कृषजन्य बस्तुमा रसायन मल प्रयोग भएको बताए । उनले रसायन मलले मानिसको शरिरमा समस्या गरेको बताए । उनले एकातिर रसायन मलमा सरकारको धेरै धनराशी खर्च हुन थालेको बताउदै अर्को तिर मानिसमा बिभिन्न रोगहरु देखिन थालेको बताए । किसानले गाईगोरु पाल्नु पर्ने त्यसको व्यवस्थापन सहकारीले गर्नु पर्ने र सहकारीको व्यस्थापन सरकारले गर्ने बताउदै उनले अव वास्तबिक किसानले अनुदान पाउनु पर्ने बताए ।

शेयर सदस्यले अब उत्पादन तिर गर्नुपर्ने बताउदै उनले स्थानीय सामुदायिक वनमा सदस्य भएको खाली ठाउँको सदुपयोग गर्नुपर्ने बताए । त्यसैगरी कार्यक्रमका बिशिष्ट अथिती वडा नम्बर १२ का वडा अध्यक्ष भिम खड्काले गोदावरी नगरपालिकाको अतिबिकट क्षेत्र ओलानी भएको बताए । अधिकांश मानीसहरु भारतको भरमा बाच्ने गरेको बताउदै उनले नायल सहकारी संस्थाले देखिने गरि काम गरेको बताए ।

अरु सहकारीले ऋण दिने मात्र काम गरेको बताउदै उनले यस सहाकारीले जनताको घर दैलो गरेर दुध संकलन गरेको बताए । डिडिसीको कारणले सहकारीमा अबिश्वासको खाडल पैदा हुन गएको बताउदै उनले सुदूरपश्चि प्रदेशका ८० प्रतिशत मानिस घरमा ताला लगाएर भारत जाने गरेको बताए । उनले कृषकले पाउनु पर्ने अनुदान नेताका आसेपासेले मात्र पाउने गरेको बताए ।

त्यसैगरी कार्यक्रमका बिशिष्ट अथिती वडा नम्बर ११ का वडा अध्यक्ष प्रेम वडैलाले सहकारीले पहिला किसानले उत्पादन गरेको दुध टेम्पोमा दुवानी गर्ने गरेको बताउदै अहिले मोटरसाइकलमा दुवानी गरिरहेको बताए । त्यसैगरी सहकारीका अध्यक्ष गिरीले दुध डेरी अझै बढाइ यसको शाखा अत्तरियामा खोलि कृषकहरुलाई थप स्वरोजगार बनाइने बताए । किसानहरुले उत्पादन गरेका तरकारीलाई सहकारी मार्फत भण्डारण गरी बजारीकरणको व्यवस्थापन गरिने उनले बताए । एक घर एक भैसी पालन कार्यक्रममा जोड दिई शेयर सदस्यहरुलाई स्वरोजगार बनाइने उनले बताए । कृषि पेशा व्यवसायिक रुपमा गर्ने शेयर सदस्यलाई सहुलियत व्याजदरमा ऋण प्रदान गरिने जानकारी गराउदै उनले कृषि हाट बजार सञ्चालन गरिने बताए ।

सहकारीबाट कृषि तथा पशुपक्षी बिमा गरिने र उत्कृष्ट कृषकहरुलाई पुरस्कृत सहित सम्मान पत्र प्रदान गनिने उनले बताए । त्यसैगरी समाजमा पछाडी परेका समुदायका कृषकहरुलाई बिशेष प्राथमिकता दिईने बताउदै उनले दुधमा अनुदान बैकबाट भुक्तानी गरिने बताए । आर्थिक प्रतिवेदन प्रस्तुत र कार्याक्रम सचालन सहकारीका सचिव श्याम स्वारले गरेका थिए ।

र्आिर्थक बर्ष २०८०÷०८१ मा शेयर पुजि १२ लाख १३ हजार तीन सय रुपैया रहेको छ भने जगेडा कोषमा २ लाख ५६ हजार १ सय ६३ रुपैया रहेको छ । निक्षेप संकलनमा १० लाख ६७ हजार ५ सय २२ रुपैया रहेको छ । अनुदान हिसावमा १२ लाख १९ हजार ६ सय ६६ रुपैया रहेको छ । चालु आर्थिक बर्षमा १७ हजार ९ सय २३ रुपैया खुद बचत रहेको छ भने गत बर्ष २ लाख ५० हजार ९ सय ३५ रुपैयाँ रहेको थियो । कार्यक्रममा स्वागत मन्तव्य सहकारीका संस्थापक सदस्य नरदिप धामीले गरेका थिए ।