प्रदिप मलासी, फागुन १४ बझाङ । बझाङलाई आलुखेतीमा आत्मनिर्भर बनाउन प्रधानमन्त्री कृषि आधुनिकरण परियोजनाले आलु खेतीलाई प्राथमीकता दिएको छ । खाद्यान्न संकटको अन्त्य गरी पोषण सुनिश्चिता र कृषकको आयस्तर बृद्घि गर्न आलु खेतीमा आधुनिक रुपको उत्पादन प्रबिधिको प्रयोग गरिएको आलु जोन बझाङ्गका नायव प्राबिधिक सहायक कुम्भराज रोकायाले बताउनु भयो । प्रधानमन्त्री कृषि आधुनिकरण परियोजना बझाङ्गद्वारा सरोकारवालाहरुसंग गरिएको १ दिवशिय अन्तरक्रिया कार्यक्रममा रोकायाले उक्त कुराको जानकारी गराएका हुन ।
कृषि आधुनिकरण परियोजना अन्तरगत शुक्रवार बझाङ्गका परियोजना संचालन र सम्पन्न गरेका कृषि उपजका सम्भावना उत्पादनका आधारमा पकेट,ब्लक,जोन र सुपरजोन संचालनमा रहेको उनले जानकारी गराए । बझाङ्गको खाद्यान्न संकटको अन्त्य गर्न पोषण सुनिश्चिता र कृषकको आयस्तर बृद्घि,आलु खेतीमा आधुनिक रुपको उत्पादन प्रबिधिको प्रयोग मार्फत अनुकुल स्थान र समय अनुसारकै आलुखेती गर्ने लक्ष्य उद्घेश्य लिएर परियोजना अघि बढेको उनले जानकारी गराउनु भयोज्ञ ।
प्रधानमन्त्री कृषि आधुनिकरण परियोजनाले बझाङको तलकोट गाउपालिकाको १,२,६,र ७ शुर्मा गाउपालिकाका सबै वडा,मष्टा गाउपालिकाको १,२,र७,खप्तडछान्ना गाउपालिकाका े४, ५ र ७, जयपृथ्वी नगरपालिकाको १,३,४,७,९र ११ छबिसपाथीभेरा गाउपालिकाको १ ,२, ५, ६, र ७, दुर्गाथली गाउपालिकाको १ र २, केदारस्यु गाउपालिकाको १,४ जिल्लाका ३० वडामा आलुजोन कमान्ड क्षेत्र बनाएको परियोजनाले जानकारी गराएको छ । छबिसपाथीभेरा ५,तलकोट गाउपालिका १,२ र ८,जयपृथ्वी नगरपालिकाको ११ र शुर्मा गाउपालिकाका सबै वडामा सिमि जोन संचालन गरेको बताइएको छ । भुगोल अनुसार आलु लगाउने उपयुक्त समय शरदकालिनमा भाद्र असोज हिउदमा मंसिर पुस र वर्खामा फाल्गुन चैत्रमा लगाउदा आलु राम्रो उत्पादन हुने वरिष्ठ कृषी अधिकृत तथा परियोजना प्रमुख सबिता कुमारी जोशी कठायत बताएकी छन ।
जिल्लामा अर्गानिक आलु उत्पादन क्षेत्रको रुपमा सुइल मयाना, भामचौर, काँडाचौर, पुगर, बाडेगाउ, रिलु अर्गानिक आलु उतपादन क्षेत्रका रुपमा चिनिदै आएका छन । आलु खेतीमा कृषक आकर्षणता तिव्र बनाउन आलुजोन परियिोजनाले जिल्लाका कृषक उद्यमी,फर्म तथा ,समुहलाई सीप र प्रबिधिको हस्तान्तरण गरि ५०% अनुदानमा जोत्ने हाते टयाक्टर लगाएतका प्रबिधिक उपकरण, आलुको उन्नत जातको बिउ मल उपलब्ध गराउदै आएको र परियोजना काम गर्ने जिल्ला भरिका सबै जोन सिमि जोन लगाएत न्य अआलु उत्पादन थप क्षेत्रका लागि आर्थिक वर्ष २०७८÷०७९मा ३ करोड,१६ लाख,२०हजार बजेट बिनियोजन भएको आलु जोन बझाङ्गका नायव प्राबिधिक सहायक कुम्भराज रोकायाले बताए ।
