फागुन ०६ धनगढी । लागुऔषध सहित दुईजनालाई प्रहरीले पक्राउ गरेको छ । कैलालीको धनगढी उप महानगरपालिका वडा नम्बर–३ मिलनचोकबाट भीमदत्त नगरपालिका वडा नम्बर ४ का २१ वर्षीया नेहा विष्ट र भारतको खटिमा उत्तमसिंह नगरका २७ वर्षीय वासुदेव विश्वासलाई प्रहरीले पक्राउ गरेको हो ।
उनीहरूका साथबाट २ सय १० मिलिग्राम अवैध लागुऔषध बरामदगरिएको जिल्ला प्रहरी कार्यालय कैलालीले जनाएको छ । जिल्ला प्रहरी कार्यालय कैलालीबाट खटिएको प्रहरी टोलीले जाँच गर्ने क्रममा उनीहरूका साथबाट लागुऔषध भेटिएको जिल्ला प्रहरी कार्यालय कैलालीले जनाएको छ । उनीहरुमाथि थप अनुसन्धान कार्य भइरहेको प्रहरीले जनाएको छ ।
