दिपक बिक, साउन १९ टिकापुर । प्राविधिक समस्याका कारण एक हप्ता बन्द भएको कैलाली र बर्दिया दुइ जिल्ला जोड्ने दौलतपुर झुलुङ्गे पुलमा देखिएको समस्या समाधान भएपछि सोमबारबाट पुनः सञ्चालनमा आएको छ ।
सञ्चालनमा आएको एक महिनामै पिल्लरमा ’क्र्याक’ आएपछि जोखिमपूर्ण बनेको भन्दै निर्माण कम्पनीले एक हप्ताका लागि आवागमन पूर्ण रूपमा बन्दगरी मर्मतसम्भार गरेपछि दौलतपुर झुलुङ्ग पुनः सञ्चालनमा आएको हो ।‘थानी निर्माण सेवा’ ले तोकिएको समय भन्दा एक वर्षअघि नै निर्माण सम्पन्न गरेको दौलतपुर झुलुङ्गे पुल औपचारिक उद्घाटन नहुँदै समस्याग्रस्त बनेको थियो ।
निर्माण कम्पनीका प्रबन्धक विक्रम गिरीका अनुसार पुलमा देखिएको समस्याबारे मुख्य दुई कारणहरु रहेका छन । पहिलो करण अत्यधिक भिडभाड र भारःपरेकाले भन्ने छ । यो पुलले एक पटकमा १ हजार २ सय ४९ जनाको भार धन्न सक्ने क्षेमता भएको भए पनि क्षमता भन्दा निकै बढी मानिसहरू एकैपटक पुलमा चढ्ने भएकाले समस्या भएको भन्ने छ ।
त्यसैगरी दोस्रो कारण बर्खामा पानि परेर त्यहाँ जमेको पानीका करणले गर्दा फिलिंग गरेको माटो धस्सिएका कारण क्रयाक देखिएको भन्ने छ । यदि पुनः समस्या देखिएमा केन्द्रबाटै प्राविधिक टोली ल्याएर दिगो समाधान खोजिने प्रतिबद्धता पनि कम्पनीले गरेको छ ।
साथै, निर्माण सम्पन्न भएको एक वर्षसम्म आउने जुनसुकै समस्याको पूर्ण जिम्मेवारी कम्पनीकै हुने भएकाले स्थानीयलाई ढुक्क हुन आग्रह गरिएको छ । पछिल्लो समय यो झुलुङ्गे पुल आन्तरिक पर्यटकका लागि मुख्य आकर्षणको केन्द्र बनेको छ । टिकटक र फोटो खिच्नेको ठूलो भिड लाग्ने गरेको छ ।
विशेषगरी शनिबार र आइतबार हजारौँको संख्यामा पर्यटक पुलको अवलोकन गर्न पुग्ने गरेका छन् । फोटो र भिडियो बनाउनेहरूको अत्यधिक भिडका कारण पुलमा मोटरसाइकल तथा साइकल यात्रीलाई आवतजावत गर्नसमेत धौ–धौ हुने गरेको छ ।
निर्माण व्यवसायी गिरीले पुलमा हुने भिडभड नियन्त्रण गर्नको लागि स्थानीय सरकरले ध्यान दिनु पर्ने बताउदै पुल चड्नु मात्र ठुलो कुरा नभई भोलिका दिनमा कुनै दुर्घटना हुने कुरा ठूलो भएको बताए । कैयौ मानिसको ज्यान समेत जानसक्ने भएकाले अत्याधिक भिडभाड नगर्न स्थानीय पालीकाले भूमीका निर्बाह गर्नु पर्ने बताए ।
