बैशाख ०२ धनगढी । कैलालीबाट लागू औषध सहित एक महिनाको अवधिमा ५४ जनालाई प्रहरीले पक्राउ गरेको छ । जिल्ला प्रहरी कार्यालय कैलालीले चैत्र महिनाको प्रगति विवरण सार्वजनिक गर्दै उक्त अवधिमा १ जना महिला र ५३ जना पुरुष सहित ४५ जनालाई पक्राउ गरेको जानकारी गराएको हो ।
प्रहरी नायब उपरीक्षक तथा सूचना अधिकारी योगेन्द्र तिमिल्सिनाले उनीहरूलाई ३७ वटा मुद्दामा पक्राउ गरिएको जानकारी गराए ।
पक्राउ गरिएका उनीहरूको साथबाट चरेस २५ ग्राम ४८ मिलिग्राम, खैरो हिरोइन ५२ ग्राम ६ सय ३० मिलिग्राम, गाँजा १ ग्राम २ सय ८० मिलिग्राम र ट्याब्लेट ४४ बरामद गरिएको उनले जानकारी गराए ।
प्रहरीको प्रगति विवरणमा अपराधका २ सय ३ वटा मुद्दा, जघन्य तथा गम्भीर अपराधका ७३ वटा मुद्दा दर्ता भएका छन् । त्यसैगरी चालु मुद्दाका १ सय ९२ जनालाई पक्राउ गरिएको छ भने ५८ जनालाई पक्राउ गर्न बाँकी रहेको छ ।
प्रगति विवरणमा सार्वजनिक चासो रहेका ९४ वटा पेण्डिङ मुद्दा रहेकोमा ४ वटा फछ्र्यौट भएको प्रहरीले जानकारी गराएको छ । त्यसैगरी फैसला कार्यान्वयनका क्रममा ६९ जनालाई पक्राउ गरेर १५ वर्ष कैद र ७ लाख ६७ हजार ५ सय १५ रुपैया जरिवाना असुल गरिएको प्रतिबेदनमा उल्लेख गरिएको छ ।
