बैशाख ०२ धनगढी । नववर्ष २०८३ को पहिलो दिन देखि सुदूरपश्चिमको कैलालीस्थित चिसापानीमा निर्माणाधीन जाल्पादेवी केबलकार आयोजनाको काम औपचारिक रूपमा सुरु गरिएको छ ।
आईएमई ग्रुपका अध्यक्ष चन्द्रप्रकाश ढकालले केबलकारको टावर नम्बर १३ को शिलान्यास गरी जडानका लागि पोल ठड्याउने कार्य गरी आयोजनाको काम औपचारिक रूपमा सुरु गरिएकोे हो ।
चिसापनी देखि पर्यटकीय क्षेत्र राजकाँडा सम्म केवबलकार पुग्ने योजना बनाइएको छ । जाल्पादेवी केबलकार आयोजनाका स्टेशन म्यानेजर हरिओम खड्काले सिभिल ईन्जिनियरिङ्गको काम सम्पन्न भएको बताउदै इलेक्ट्रो मेकानिकलको काम बैशाख १ गतेबाट सुरु भएको जानकारी गराए । उक्त केवलकारमा कुल १४ वटा टावर रहने उनले जानकारी गराए ।
नयाँ बर्षको साईत पारेर १३ नम्बरको टावर शिलान्यास गरी कामको शुभारम्भ गरिएको खड्काले जानकारी गराए । आयोजना केवल पूर्वाधार विकासमा सीमित नभई क्षेत्रीय पर्यटन प्रवद्र्धन, रोजगारी सिर्जना तथा स्थानीय अर्थतन्त्र सुदृढीकरणमा महत्वपूर्ण योगदान पु¥याउने अपेक्षा गरिएको स्थानीय लम्की चुहाँ नगरपालीका वडा नम्बर १० का वडा अध्यक्ष लवबहादुर शाहले बताए ।
उक्त केवलकार कैलालीको लम्कीचुहाँ नगरपालिका र मोहन्याल गाँउपालिकामा रहेको छ । आयोजनालाई आगामी दुई महिना भित्र सम्पन्न गर्ने लक्ष्य सहित काम अघि बढाइएको छ ।
