फागुन २० धनगढी । प्रतिनिधि सभा निर्वाचन क्षेत्र नम्बर ४, कैलालीको मतगणना निर्वाचन अधिकृतको कार्यालय गेटामा हुने भएको छ ।
निर्वाचन अधिकृतको कार्यालयले सूचना जारी गर्दै मतगणना निर्वाचन अधिकृतको कार्यालय गेटामा हुने जानकारी दिएको हो । जारी सूचना अनुसार मतगणना कार्य निर्वाचन अधिकृतको कार्यालय, क्षेत्र नम्बर ४, गोदावरी नगरपालिका वडा नम्बर–५ मा हुने भएको हो ।
सहिद दशरथ चन्द स्वास्थ्य विज्ञान विश्वविद्यालयको उत्तर–पूर्वतर्फ खेलमैदानसँगै जोडिएको भवन (सिद्ध बाबा माध्यमिक विद्यालय, गेटी नजिक) मा मतगणना हुने सूचनामा उल्लेख गरिएको छ ।
निर्वाचन अधिकृत हरि प्रसाद आचार्यले सबै मतदान केन्द्रमा मतदान सम्पन्न भई मतपेटिका प्राप्त भएपछि मतगणना गरिने मिति र समय सार्वजनिक गरिने जानकारी दिएका छन् ।
