गर्मी बढेढ्संगै आगलागीका घटनाहरुपनि बढ्दै गएका छन । यस बर्ष अछामको जैगड बजार र बाजुरको बाम्का बजारमा भएको आगलागीले सबैलाई पाठ सिकाएको छ । गर्मीको समयमा घर गोठ पसल र जंगलमा आग लागीका घटना हुदै आएका छन । सबै भन्दा बढी आगलागीबाट सामुदायिक वनमा क्षेती हुने गरेको छ । डढेलो लागेर बन क्षेत्र मासीने गरेको छ ।
हरेक बर्ष गर्मीयाम्मा आगलागी हुदा बन पैदावर नष्ट हुने गरेको छ । बन क्षेत्र अतिक्रमणको चमेटामा पर्नुका साथै आगलागीको चपेटामा हरेक बर्ष पर्दै आएको छ । बन डढेलो नियन्त्रणका लागि विभिन्न जनचेतनामूलक कार्यक्रम सञ्चालन भइरहेका भए पनि सामुदायिक वनमा आगलागीका घटनाहरूमा कमी आउन सकेको छैन ।
स्थानीय उपभोक्ताहरुको लाफरवाहीकै कारण बढी जसो आगलागीका घटनाहरु हुने गरेका छन् । सामुदायिक वनहरुमा डढेलो लागेका कारण लाखौंका वन सम्पदाहरु जलेर नष्ट भएका छन् । यसका साथै वन्यजन्तुहरु समेत वन डढेलोबाट प्रभावित भएका छन । वनमा घास पलाउछ भन्ने गलत मानसिकताका कारण, सलाई र चुरोटका ठुटाहरु जथाभावी फाल्ने गरेका कारण पनि वनमा डढेलो लाग्ने गरेको छ ।
यस्ता कार्यहरुमा सम्लग्नहरुलाई कारबाहीको दायरामा ल्याउन सके वन डढेलो नियन्त्रण गर्न सकिन्छ । आग लागी त्यतीकै नभई मानव त्रुटीका कारण हुने भएकाले जनचेतनाका कार्यक्रमहरुसंगै त्यस्तो कार्य गरेको पाईएमा कारबाही गर्न सके आगलागी नियन्त्रण गर्न सकिन्छ । बन डढेलो नियन्त्रण गर्ने सबैको जिम्मेवारी हो भन्ने चिन्तनको विकास हुन जरुरी छ ।
स्थानीय सरकारहरुले समेत यसको जिम्मेवारी लिन जरुरी छ । आग लागी नियन्त्रण गर्न साबधानी अपनाउनका साथै जिम्मेवार भएर बन संरक्षणमा जुट्न आवश्यक छ । खास गरी हरीयो बन नेपालको धनलाई बचाउन जरुरी छ । बन जंगल रहे हामी रहन्छौ भन्ने चेतनाको विकास गर्न जरुरी छ । आगलागी हुनबाट बचौ र बचाऔ भन्ने चेतनको विकास हुन जरुरी छ ।
