जेठ ०२ धनगढी । नेकपा (माओवादी केन्द्र) परित्याग गरि सिर्जना र उज्जल सहित आधा दर्जन व्यक्ति नेपाल कम्युनिस्ट पार्टीमा ध्रुवीकरण भएका छन । शुक्रवार कैलालीको घोडाघोडीमा आयोजित एक कार्यक्रमका बिच उनिहरु नेकपामा ध्रुवीकरण भएका हुन् ।
अखिल नेपाल साँस्कृतिक महासंघ केन्द्रीय सदस्य एव अखिल नेपाल ट्रेड युनियन केन्द्रीय सदस्य सिर्जना साउद, नेकपा माओवादी अछाम जिल्ला सदस्य उज्जल साउद ( बिजय) पूर्वजनमुक्ति सेना झुप्री परियार, व्यावसायी प्रेम परियार, सुरेश साउद,तेज रोकाय ( आरएन) र भरत रोकाय ध्रुवीकरण भएका हुन् । ध्रुवीकरणमा सहभागीहरुलाई नेपाल कम्युनिस्ट पार्टीका महासचिव विप्लवले स्वागत गरेका थिए ।
कार्यक्रममा नेकपा सुदूरपश्चिम प्रदेश इन्चार्ज भरत सी, पोलिटब्युरो सदस्य विकल्प सी,कैलाली जिल्ला इन्चार्ज प्रकाश सी र अछाम सेक्रेटरी निरक सी सहित नेता कार्यकर्ताहरुको उपस्थिति रहेको थियो । कार्यक्रममा तत्कालीन जनयुद्धको क्रममा २०५८ बाट पूर्णकालीन कार्यकर्ता हुँदै जनमुक्ति सेना नेपालको कम्पनी कमाण्डरको जिम्मा समेत पुरा गरेकी सिर्जनाले जुन उदेश्यका लागि क्रान्ति गरियो त्यो उदेश्य पुरा नहुन्जेल सामाजिक आर्थिक परिवर्तनका लागि हुने संघर्षमा निरन्तर योगदान गर्ने प्रतिबद्धता जाहेर गरेकी थिइन् । ध्रुवीकरण हुनेहरु सबै अछामको रामारोशन स्थायी बसोबास भएका व्यक्ति हुन् ।
