जेठ ०२ धनगढी । नागरिक उन्मुक्ति पार्टी नाउपाका सुदूरपश्चिम प्रदेशसभा सदस्य खुशीराम डगौरा थारुले रामेश्वर चौधरीलाई सपथ ग्रहण नगराउन मुख्यमन्त्रीलाई पत्र पठाएका छन ।
शुक्रबार पार्टीका प्रदेशसभा सदस्य थारुले सुदूरपश्चिम प्रदेश मुख्यमन्त्रीको कार्यालयलाई जानकारी पत्र पठाउँदै प्रदेशसभा सदस्य घनश्याम चौधरीले रामेश्वर चौधरीलाई दिएको पत्रमा वैधानिकता नरहेको भन्दै उनलाई सपथ ग्रहण नगराउन पत्र पठाएका हुन ।
उक्त जानकारीपत्रमा उद्योग, पर्यटन, वन तथा वातावरण मन्त्री बनाउने विषयमा संसदीय दलमा मन्त्री पठाउने कुनै निर्णय नभएको, संसदीय दलको नेताले बैठक नबसाली कुनै निर्णय नगरी संसदीय दलको विधि विधान ऐन कानून विपरित ढङ्गले रामेश्वर चौधरीलाई तोकेकोले उनलाई सपथ नखुवाउन भनिएको छ ।
बैशाख ३१ गते बसेको संसदीय दलको बैठकले उद्योग, पर्यटन, वन तथा वातावरण मन्त्रालयका लागि मन्त्रीको नाम टुंग्याउने अधिकार प्रदेश संसदीय दललाई दिनुपर्ने माग गर्दै केन्द्रीय समितिमा प्रस्ताव पठाउने निर्णय गरेको उनले जानकारी पत्रमा उल्लेख गरेका छन ।
३१ गतेका दिन नागरिक उन्मुक्ति पाटीको संसदीय दलको बैठकमा सुदूरपश्चिम प्रदेश सरकारमा मन्त्री सिफारिसका लागि औपचारिक रुपमा बैठक बसी प्रदेशको पर्यटन, वन तथा वतावरण मन्त्रालयमा मन्त्री पठाउने प्रस्ताव माथि छलफल गरी कैलाली क्षेत्र नम्बरं ३ को प्रदेश १ बाट निर्वाचित सांसद घनश्याम चौधरीलाई बहुमत सांसदले टुङ्गो लगाएको र सो निर्णय अनुरुप मुख्यमन्त्रीको कार्यालयमा पत्राचार गरेको थियो ।
