चैत्र ११ काठमाडौं । नेपाल कम्युनिष्ट पार्टीको सहायक युवा संगठन नेपालले समाजवादी मोर्चाको तर्फबाट यहि चैत्र १५ गते काठमाडौमा हुने विशाल जनप्रदर्शनमा ‘स्वयम सेवक’ परिचालन गर्ने भएको छ ।
युवा संगठन नेपालको काठमाडौ,भक्तपुर र ललितपुर जिल्लाका इन्चार्ज तथा सिसिएमहरुको सोमवार बसेको बैठकले प्रतिगमन विरुद्ध हुने जनप्रदर्शनमा ‘स्वयम सेवक’ परिचालन गर्ने निर्णय गरेको हो ।
संगठनले जनप्रदर्शनका क्रममा मासलाई व्यवस्थित गर्न र मासमा हुनसक्ने प्रतिगामीहरुको घुसपैठलाई नियन्त्रण गर्न युवाहरु ‘स्वयम सेवक’को रुपमा परिचालन गर्ने जानकारी गराएको हो । बैठकले जनप्रदर्शनको व्यापक तयारी गर्ने र युवाहरुको व्यापक परिचालन गर्ने निर्णय गरेको संगठनका केन्द्रीय सचिव अनिल सीले जानकारी ग राए ।
वैठकलाई सम्वोधन गर्दै अध्यक्ष दिनेशले पछिल्लो रास्ट्रिय राजनीतिमा गम्भिर र पेचिलो परिस्थिति बनेको बताउदै विदेशीहरुको चलखेल वढेको हुनाले समाजवादी मोर्चाले चैत्र १५ गते भब्य प्रदर्शन गर्ने बताए ।
समाजवादी युवा मोर्चाका संयोजक समेत रहेका अध्यक्ष दिनेशले नेपालमा कुनै पनि हालतमा प्रतिगमनको ठाउँ नभएको ठोकुवा गर्दै चिहानको मुर्दा उठाउन खोजे संगठनले कडा प्रतिरोध गर्ने चेतावनी दिए ।
युवा संगठन नेपाल केन्द्रिय सचिव तथा बाग्मती प्रदेशका इन्चार्ज अनिल सीको अध्यक्षता तथा संचालनमा बैठक सम्पन्न भएको बताईएको छ ।
