चैत्र ०५ धनगढी । धनगढीको ऐश्वर्य बहुमुखी क्याम्पसमा फर्जी भोट हाल्न मतदान केन्द्रमा पुगेका एक जना विद्यार्थीलाई प्र्हरीले पक्राउ गरेको छ ।
डोटीको शिखर नगरपालिका वडा नम्बर–४ बस्ने २५ वर्षीय भोजराज भट्टलाई पक्राउ गरिएको हो । जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कबिन्द्र सिंह बोहराले भट्टलाई पक्राउ गरिएको जानकारी गराए ।
भट्ट कैलाली बहुमुखी क्याम्पसमा स्नातक तहमा अध्ययनरत विद्यार्थी भएको खुलेको उनले जानकारी गराए । फर्जी मत हाल्न मतदान केन्द्रमा पुगेपनी मत खसाल्न नपाउँदै उनलाई पक्राउ गरिएकाप्रहरी नायब उपरीक्षक बोहराले जानकारी गराए ।
उनलाई पक्राउ गरिए पछि एमाले निकट अनेरास्ववियुले स्ववियु निर्वाचनमा फर्जी मतदान गरेर धाधली गरेको आरोप लगाएको छ ।
निर्वाचन केन्द्रमा खटिएका नेपाली कांग्रेस निकट प्राध्यापकहरूले चुनावमा नेविसंघका उम्मेदवार जिताउन फर्जी मतदान गराउन भूमिका खेलेको भन्दै छानबिनको माग गरिएको छ ।
