माघ ११ कञ्चनपुर । सुदूरपश्चिमकी प्रथम महिला सार्वजनिक सवारी चालक रविना चन्दलाई सम्मन गरिएको छ । नेपाल यातायात मजदुर संघ कञ्चनपुरले चन्दलाई सम्मान गरेको हो ।
महेन्द्रनगर बसपार्कमा कार्यक्रमको आयोजना गरी बैतडीको पञ्चेश्वर गाउँपालिका वडा नम्बर–४ घर भएकी १९ बर्षीया रविनालाई सम्मान गरिएको संघका अध्यक्ष धर्मानन्द जोशीले जानकारी गराए ।
उनले सुदूरपश्चिमकी एक मात्र सार्वजनिक सवारी चालक चन्दलाई प्रमाण पत्र सहित सम्मान गरिएको जानकारी गराए ।
सम्मानीत चन्दले महिला भएकै कारण कुनैपनि कामबाट वञ्चित गर्न नहुने बताउदै संघले गरेको सम्मानले आफुलाई पेशा प्रति थप प्रतिबद्ध भएर लाग्न प्रेरित गरेको बताईन ।
एक वर्ष पहिले सवारी चालक अनुमती पत्र प्राप्त गरेकी चन्दले त्यतीबेला देखी नै सार्वजनिक सवारी साधन चलाउदै आएकी छन । रविना अहिले बैतडी–धनगढी–महेन्द्रनगर रुटमा गाडी चलाउँदै आएकी छिन् ।
