मंसिर २४ कञ्चनपुर । कञ्चनपुरबाट प्रहरीले भन्सार छलीका सामान बरामद गरेको छ ।
कञ्चनपुरको भीमदत्त नगरपालिका वडा नम्बर ५ सुकासाल र भीमदत्त नगरपालिका वडा नम्बर १० भन्सार कार्यालय नजिकबाट अबैंध रुपमा भारतबाट भन्सार छलि गरी ल्याएका अन्दाजी ९३ हजार ६ सय २५ रुपैया मूल्य बराबरको सामान प्रहरीले बरामद गरेको हो ।
उक्त मूल्य बराबरको चिनी, मिश्री, नरिवल, बिजुलीका सामान, हाडवेयर, किराना लगायतका सामानहरु जिल्ला प्रहरी कार्यालय कञ्चनपुर मातहत कार्यालयहरुबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको बताइएको छ ।
