भदौ २२ धनगढी । धनगढीको तालमा डुबेर गोदावरीका एक जनाको मृत्यु भएको छ । शनिबार गोदावरी नगरपालिका वडा नम्बर– ८ श्रीपुरका अन्दाजी २८÷३० वर्षका कमल चौधरीको धनगढी उपमहानगरपालिका वडा नम्बर– ३ स्थित नेतुवा तालमा डुबेर मृत्यु भएको हो ।
प्रहरीका अनुसार उनी तालमा डुबेको खबर पाएलगत्तै प्रहरी सहायक निरिक्षक भुपेन्द्र शाहीको कमाण्डमा प्रहरी टोली घटनास्थलमा गएको थियो । स्थानिय र नगरप्रहरीको सहयोगमा उक्त तालमा खोजतलास गर्दा चौधरीलाई मृत अवस्थामा फेला पारेको जिल्ला प्रहरी कार्यालय कैलालीले जनाएको छ ।
यसअघि नाम थर नखुलेका ति व्यक्तिको पहिचान उनको दाई सिताराम चौधरीले गरेको र उनका अनुसार मृतकको मानसिक अवस्था कमजोर रहेको बुझिएको प्रहरीले बताएको छ ।
