भदौ २२ धनगढी । कैलालीमा चार जना युवकबिच कुटाकुट भएको छ । कुटाकुटबाट तीन जना घाइते भएका छन् । शुक्रबार राति साढे ११ बजेकोे समयमा कैलालीको घोडाघोडी नगरपालिका वडा नम्बर–४ को रामपुरमा युवकबिच कुटाकुट भएको हो । सोही ठाउँ बस्ने २२ वर्षीय राजेन्द्र साउद सहितका चार युवकबिच कुटाकुट भएको थियो ।
कुटाकुटबाट साउँद, सोही ठाउँ बस्ने २४ वर्षीय मोहन रावल र गैडाखेडाका २३ वर्षीय कुबेर शाही घाइते भएका छन् । घाइते राजेन्द्र साउँद र कुबेर शाहीको घोडाघोडी अस्पताल सुखडमा उपचार भइरहेको छ ।
उनीहरु मध्ये मोहन रावलको अवस्था गम्भीर भए पछि निसर्ग अस्पताल धनगढी पठाइएको इलाका प्रहरी कार्यालय सुखडले जनाएको छ । कुटपिटमा संलग्न सोही ठाउँ बस्ने अमिर धामी र सागर खत्री फरार भएको र उनीहरु दुबै जनाको खोजी भइरहेको प्रहरीले जनाएको छ ।
