भदौ २० कञ्चनपुर । गृहमन्त्री रमेश लेखकले कञ्चनपुरको दोधारा चाँदनीलाई देशको सबैभन्दा ठूलो नाकाका रुपमा विकास गर्ने प्रतिबद्धता जाहेर गरेका छन् । दोधारा चाँदनी नगरपालिकास्थित इलाका प्रहरी कार्यालय दोधारा चाँदनीको नवनिर्मित भवनको बुधबार समुद्घाटन गर्दै मन्त्री लेखकले दोधारा चाँदनीलाई त्रिदेशीय नाकाका रुपमा विकासगरी देशको सबैभन्दा ठूलो नाकाका रुपमा परिणत गर्ने प्रतिबद्धता जाहेर गरेका हुन ।
उनले महाकाली नदीमा चार लेनको पक्की पुल बनिसकेको बताउदै दोधारा चाँदनीमा सुुक्खा बन्दरगाह निर्माण हुने बताए । नाकालाई भारत र चीनसँग जोडेर देशकै ठूलो नाकाका रुपमा विकास गने प्रतिबद्धता जाहेर गर्दै उनले उद्योग, व्यापार वाणिज्य, पर्यटन सबैका लागि महत्त्वपूर्ण नाकाका रुपमा दोधारा चाँदनीलाई विकास गर्ने बताए ।
गृहमन्त्री लेखकले महाकालीमा झोलुङ्गे पुल बनाउँछौँ भन्दा हाँस्ने गरेको तर्क गर्दै अहिले महाकालीमा चार लेनको पक्की पुल बनीसकेको बताए । गरेपछि हुदो रहे छ भन्ने कुरा प्रमाणीत भएको बताउदै उनले दोधारा चाँदनी सुक्खा बन्दरगाह निर्माण गर्न छिमेकी मुलुक भारत तयार रहेको बताए । उनले निकट भविष्यमा दार्चुलाको तिङ्करमा अध्यागमन कार्यालय स्थापना गर्ने तयारी रहेको बताउँदै तिङ्करबाट मानसरोवर यात्राका लागि सुनिश्चित गरिने बताए ।
