भदौ ०७ बाजुरा । बडिमालिका नगरपालिकाले गत आर्थिक वर्ष २०८०÷८१ मा ६५ लाख २२ हजार आठ सय ९९ रुपैया आन्तरिक राजस्वसङ्कलन गरेको छ । आर्थिक बर्ष २०७९÷८० को तुलनामा राजश्वमा केही बृद्धि भएको बताईएको छ । आर्थिक बर्ष २०७९÷८० मा ४८ लाख ६४ हजार ३ सय २० रुपैया राजस्व संकलन भएकोमा पछिल्लो आथिर्क बर्ष २०८०÷८१ मा केही दायरा बढेको नगरपालिकाले जनाएको छ ।
नगरपालिकाको राजस्व शाखाले विभिन्न शीर्षकमा कर बापत राजस्व संकलन गर्दै आएको छ । सम्पती करमा १ हजार ५ सय , भुमि कर (मालापोत) करतर्फ ३ लाख २१ हजार ७१ रुपैया कर संकल भएको शाखा प्रमुख कृष्ण खड्काले बताएका छन । घर बहाल करमा १९ लाख ११ हजार ५ सय ९७, ब्यवासाय करतर्फ १० लाख ८३ हजार २ सय ७७ रुपैया कर संकलन भएको राजश्व शाखा प्रमुख खड्काले बताए ।
त्यसैगरि जडिबुटी कवाडी र जीवजन्तु कर ५५ हजार ३ सय ७०, पर्यटन शुल्क एक हजार १ सय ६०, फोहोरमैला तथा सरसफाई व्यवस्थापन सूल्क ७२ हजार २ सय ८०, सेवा शुल्क तथा तस्तुर वाफत २६ लाख ९० हजार २ सय ४८, दण्ड जरिवाना २ लाख ७६ हजार ८ सय ९५ र एम्बुलेन्स भाडा वाफत १० लाख ९५ हजार राजश्व संकलन गरिएको नगरपालिकाको राजस्व शाखाले जनाएको छ ।
बडिमालिका नगरपालिकाका नगर प्रमुख अमर बहादुर खड्काले नगरमा सञ्चालन भएका व्यवसाय करको दायरामा ल्याउन नगरपालिकाले विशेष अभियान अघि बढाइरहेको बताए । बडिमालिका नगरपालिकाले स्थानीय व्यापार व्यवसायलाई अनिवार्य करको दारयामा ल्याउने भनिए पनि करको दायरामा ल्याउन नसकेको नगर प्रमुख खड्काले बताए ।
बडिमालिका नगरपालिका भित्र सञ्चालन भईरहेको बताउदै अव सञ्चालन हुने व्यापारिक व्यवसायिक फर्महरुलाई स्थानीयतह देखि कर कार्यालय सम्म अनिवार्य दर्ता गर्नुपर्ने नियम लागू गरेको नगर प्रमुख खड्काले बताए । व्यवसाय कर, नक्सा पास दस्तुर, सिफारिस दस्तुर घर बहाल कर लगायत यस नगरपालिकाको मुख्य करका श्रोत रहेको नगरपालिका उप प्रमुख तथा राजश्व परामर्श समिति संयोजक नन्दा थापाले बताईन ।
बजेटमा अनुमानीत सहित करको दायरा बढाए पनि हरेक समस्याका कारण उदेस्य अनुरुप कर संकलन नहुने गरेको उप प्रमख थापाले बताईन । सदरमुकाम समेत रहेकोले जिल्लाका ९ ओटा स्थानिय तह भन्दा बढि कर संकलन हुने भए पनि नगरपालिकाले अपेक्षा गरे अनुसार राजश्व संकलन हुन नसकेको उनले बताईन ।
बाहिरबाट आएर सदरमुकाममा ब्यापार व्यवासाय गरिरहेकाहरुलाई करको दायरामा आउन भनिए पनि उनिहरु करको दायारामा आउन नमानेका कारण राजश्व संकलनमा समस्या भएको उनले बताईन । बडिमालिका नगरपालिका भित्र सञ्चालित अधिकांश व्यवसायी करको दायरामा आएका छैनन् । नगरपालिकामा भएका व्यवसाय करमा दर्ता भए नभएको बारे अनुगमन गरिन थालेपछि अधिकांश व्यवसाय करमा दर्ता नभई सञ्चालन हुँदै आएको पाइएको बडिमालिका नगरपालिकाका प्रमुख प्रशासकिय अधिकृत बम बहादुर केसीले बताए ।
हाल सम्म नगरपालिका भित्र सञ्चालित होटल, किराना, खुद्रा तथा थोक (होलसेल), फेन्सी, कपडा, बुटिक, व्युटीपार्लर लगायत साना ठूला सबैखाले व्यापार व्यवसाय स्थानीय तहमा दर्ता गरेर स्थायी लेखा नं. (पान) लिन भनिएको उनले बताए । कर कार्यालयबाट पान नम्मर लिएपछि नगरपालिकामा सूचीकरण गरेर मात्र व्यवसाय सञ्चालन गर्न व्यापारीहरुलाई अनुरोध गरिएको राजश्व शाखा प्रमुख कृष्ण खड्काले बताए ।
बडिमालिका नगरपालिकाले यस आर्थिक बर्ष सम्मा ३ सय बढी ब्यबासाय करको दायरामा ल्याईसकेको बडिमालिका नगरपालिका राजस्व शाखा प्रमुख खड्काले बताएका छन । बडिमालिका नगरपालिका भित्र सञ्चालित जति पनि व्यापार व्यवसाय छन् सबैलाई चालु वर्षको सुरुवातबाटै स्थानीयतहमा दर्ता गरेर मात्र सञ्चालन गर्न अनुरोध सहित निर्देशन दिइएको बडिमालिका नगरपालिकाले जनाएको छ । नगरपालिकामा हाल घर बहाल कर व्यवासाय कर सेवा शुल्क वाफतको कर नै बडिमालिका नगरपालिकाको मुख्य करका श्रोत रहेको नगरपालिकाले जनाएको छ ।
