साउन ०५ कञ्चनपुर । कञ्चनपुर भन्सार कार्यालय गड्डाचौकीले ५४ करोड ४१ लाख राजश्व संकलन गरेको छ । आर्थिक वर्ष २०८०÷८१ मा भन्सार कार्यालय गड्डाचौकीले ५९ करोड ६९ लाख रुपैयाँ राजस्व संकलनको लक्ष्य लिएकोमा ५४ करोड ४१ लाख संकलन गरेको हो ।

भन्सार कार्यालय गड्डाचौकीका भन्सार अधिकृत तेजबहादुर रावलले भन्सार कार्यालय गड्डाचौकीको राजस्व २० प्रतिशतले बढेको जानकारी गराए । उनले तीन वटा आर्थिक वर्षको तुलनामा गत आर्थिक वर्षमा २० प्रतिशतले भन्सार राजस्व बढेको जानकारी गराएका हुन ।

त्यसैगरी अघिल्लो आर्थिक वर्ष २०७९÷८० मा ५८ करोड ९६ लाख रुपैयाँ राजस्व संकलनको लक्ष्य निर्धारण गरिएकोमा ४२ करोड ९९ लाख रुपैयाँ मात्र राजस्व संकलन भएको उनले जानकारी गराए ।

आर्थिक वर्ष २०७८÷७९ मा ५२ करोड ७७ लाख लक्ष्य निर्धारण गरिएकोमा ४६ करोड २२ लाख राजस्व संकलन भएको उनले बताए । विगत तीन वर्षको तुलनामा गत आर्थिक वर्षमा मात्रै सबैभन्दा बढी राजस्व संकलन भएको उनले बताए ।

आर्थिक वर्ष २०८०÷८१ मा अघिल्लो दुई वर्षको तुलनामा २० प्रतिशत राजस्व वृद्धि भएको भन्सार कार्यालय गड्डाचौकीका भन्सार अधिकृत तेजबहादुर रावलले जानकारी गराए ।