चैत्र ३० धनगढी । सुदूरपश्चिम प्रदेशका आन्तरिक मामिला तथा कानुन मन्त्री डा ः रण बहादुर रावलले कैलाली –कञ्चनपुरको सिमानाका गौरीफन्टा नाकाको निरीक्षण गर्नु भएको छ ।
रोजगारीका लागि भारत गएकाहरूले स्वदेश फर्कने क्रममा झेल्दै आएको समस्या समाधान र सिमानाकाको अवस्था बुझ्न बुधवार बिहान मन्त्री रावलले निरीक्षण गर्नु भएको हो ।
नयाँ वर्ष मनाउन घर फर्कने नेपालीहरुको अवस्था बुझ्नको लागि कैलालीका प्रमुख जिल्ला अधिकारी सहित मन्त्री रावलले सिमानाकाको निरीक्षण गर्नु भएको हो ।
मन्त्री रावलले घर फर्किरहेका नेपालीसँग सिमामा हुने ज्यादतीका बारेमा कुराकानी समेत गरेका थिए । नयाँ वर्ष मनाउनको लागि यति वेला गौरीफन्टा नाकाबाट मात्रै दैनिक हजारौँ नेपाली स्वदेश फर्किरहेका छन् ।
नयाँ वर्षको सुरुवातलाई स्वागत गर्न मनाइने विसु पर्वका लागी भारतका विभिन्न शहरमा मन्दुरी गरेर नेपाल फर्किने नेपालीहरुको संख्या बढ्दै गएको छ ।।
