भरत दास , चैत्र १४ धनगढी । अत्तरिया साना शहरी खानेपानी तथा सरसफाइ उपभोक्ता संस्थामा दलहरू बीच भागबण्डा भएको भन्दै राष्ट्रिय प्रजातन्त्र पार्टी गोदावरी नगर कमेटीले विरोध गरेको छ ।
सोमबार प्रेस विज्ञप्ति जारी गर्दै राष्ट्रिय प्रजातन्त्र पार्टी गोदलावरी नगर कमिटीले भागबण्डाको विरोध गरेको हो ।
गोदावरी नगर अध्यक्ष दुर्गा कुमार पोखरेलले नेपाल कम्युनिष्ट पार्टी एमाललाई महासचिव सहित एक जना सदस्य, माओवादी केन्द्रलाई उपाध्यक्ष सहित एक जना सदस्य,एकीकृत समाजवादीलाई सचिव सहित एक जना सदस्य गरी भागबण्डा लगाएको जानकारी गराए ।
उनले राप्रपालाई भन्ने कुनै ठाउँ नदिएको भन्दै सोमबार प्रेस विज्ञप्ति निकालेर विरोध जनाएको जानकारी गराए । गोदावरी नगरपालिकाले राष्ट्रिय प्रजातन्त्र पार्टीलाई सौतेनी व्यावहार गरेको आरोप लगाउदै उनले नगरपालिकाले कुनै कार्यक्रममा पनि आफुहरुलाइ नबोलाएको भन्दै आपत्ति जनाए ।
प्रेस विज्ञप्तिमा प्रजातान्त्रिक पद्धती विपरीत भागबण्डा भएको ठहर गर्दै अविलम्ब उक्त निर्णय खारेज गरि निर्वाचन प्रणाली मार्फत उपभोक्ता समिति गठन गर्न र गोदावरी नगरपालिकाको नयाँ भवन उदघाटनको समयमा विवाद भएको बेला गिरफ्तार गरिएका एल आर ओझा लाई बिना सर्त रिहा गर्नु पर्ने प्रेस विज्ञप्तिमा उल्लेख गरिएको छ ।
