गर्भमै भ्रुण–हत्या गरिने छोरीहरु जन्मिहाले पनि बलात्कार पछि हत्याको शिकार हुदै आएका छन । बलात्कार पछि हत्या गर्ने घटना सुदूरपश्मिमा सबै भन्दा बढी हुने गरेका छन । समाजलाई नै लज्जित बनाउने यस्ता जघन्य अपराधका घटना सुदूरपश्मिमा बारम्बार दोहोरिँदै जानुका कारणहरु खोज्न आवश्यक छ । निर्मला पन्त, माया विक, सम्झना विक र भागरथी भट्टहरुलाई बलात्कार पछि हत्या गरिएर मारीएको छ ।
यीनै जघन्य हत्याका घटनाहरुले सुदूपश्मि लज्जीत बन्दै गएको छ । निर्मला पन्तका हत्याराहरु अझै पत्ता लाग्न सकेका छैनन । यस्ता बलात्कारका घटनाहरुले महिलाको बाच्नपाउने अधिकार कुण्ठित गरेको छ । जुन समाजमा व्यक्तिको बाँच्न पाउने अधिकार सुरक्षित हुदैन त्यहाँ सामाजिक विकृति बढ्दै बलात्कार र हत्याका घटनाहरु श्रृङखलाबद्ध रुपमा हुने गरेका छन । बलात्कारको घटना पछि पक्राउ पर्ने अपराधीले जेल सजाय त पाउँछ तर आफूले गरेको पाशविक घटनाको प्रायश्चित्त गरेको देखिन्न ।
सिंहदरबार देखि गाउँ–गाउँमा पुगेको भनिएको सिंहदरबार अहिले भ्रष्टाचारले गाँजेको छ । सरकार बलात्कारको घटनामा संवेदनशील बन्न सकिरहेको छैन । बरु बलात्कारीलाई पक्राउ गर्नमै असफल हुदै आएको छ भने पक्राउ गरिएका अपराधीहरुलाई समेत पार्टीकै सदस्य भएका कारण कसरी बचाउने भन्ने घृणीत कार्य हुदै आएका छन ।
आमाको पेटमै मारिने छोरीहरु कि त जन्मनै पाउदैनन जन्मीहाले पनि बलात्कार र हत्याको शिकार हुनुको कारण खोज्न आवश्यक छ । कारण मात्र खोजेर हुदैन अपराधीलाई कडा कानूनी सजाएको ब्याबश्था गर्न आवश्यक छ । छोरीको बाच्नपाउने अधिकारको सरकारले ग्यारेन्टी गर्न आवश्यक छ । कानूनी राज्यको आभाष जन्ताहरुलाई दिलाउन आवश्यक छ ।
