माघ १३ धनगढी,
बैतडीको सुनर्या गाउँपालिकाको गाडीमा ट्राफिक प्रहरीले ह्विल लक लगाएको छ ।
धनगढीमा अव्यवस्थित रुपमा पार्किङ गरी राखिएको उक्त गाउँपालिकाको गाडीमा जिल्ला ट्राफिक प्रहरी कार्यालय कैलालीले ह्विल लक लगाएको हो ।
धनगढीको ट्राफिक चौराहामा पार्किङ गरिएको से१झ २८७ नम्बरको गाडीमा ह्विल लक लगाएको प्रहरीले जनाएको छ ।
लक लगाए पछि गाउँपालिकालाई ५ सय जरिमाना गरिएको जिल्ला ट्राफिक प्रहरी कार्यालयले बताएको छ । धनगढीमा ‘नो पार्किङ’ मा राखिएका सवारीलाई ट्राफिक प्रहरीले कारबाही गर्दै आएको छ ।
