माघ १२ धनगढी,
नेपालको जनगणना २०७८ अनुसार सुदूरपश्चिम प्रदेशको जनसंख्या २७ लाख ११ हजार २ सय ५० पुगेको छ । केन्द्रिय तथ्यांक विभागले बुधबार सार्वजनिक गरेको तथ्यांक अनुसार सुदूरपश्चिम प्रदेशको जनसंख्या २७ लाख ११ हजार २ सय ५० पुगेको हो ।
हरेक १० वर्षमा गरिने जनगणना ०६८ को जनगणनामा सुदूरपश्मि प्रदेशको जनसंख्या २५ लाख ५२ हजार ५ सय १७ थियो भने १० वर्षमा एक लाख ५८ हजार ७ सय ५३ ले जनसंख्या बढेको हो । जन गणनाका हिसाबले नेपालको सबैभन्दा धेरै जनसंख्या हुने पाँचौं प्रदेश सुदूरपचिश्म प्रदेश भएको छ । सुदूरपश्चिम भन्दा कम जनसंख्या गण्डकी प्रदेश र कर्णाली प्रदेशको रहेका छ । यस्तै नेपालको जनगणना २०७८ अनुसार मधेश प्रदेश नेपालको सबै भन्दा धेरै बढी जनसंख्या हुने प्रदेश भएको छ । तथ्यांक विभागले बुधबार सार्वजनिक गरेको तथ्यांक अनुसार मधेश प्रदेशको जनसंख्या ६१ लाख २६ हजार २ सय ८८ पुगेको छ । त्यसपछि वाग्मती प्रदेश सबैभन्दा धेरै जनसंख्या प्रदेशको सूचीमा दोस्रो नम्बरमा परेको छ । वाग्मतीको कुल जनसंख्या ६० लाख ८४ हजार ४२ रहेको विभागले जनाएको हो । यस्तै सबै भन्दा कम जनसंख्या रहेको कर्णाली प्रदेशको जनसंख्या १६ लाख ९४ हजार ८ सय ८९ रहेको विभागले जनाएको हो ।