माघ ११ बैतडी,
जंगली बँदेलको आक्रमणबाट बैतडीमा एक जनाको मृत्यु भएको छ भने तीनजना घाइते भएका छन् । जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काका अनुसार दोगडाकेदार गाउँपालिका वडा नम्बर–१ घोरडीका ७७ वर्षीय मनोरथ जोशीको मृत्यु भएको हो ।
सोमबार साँझ जंगलबाट गाउँपसेका जंगली बँदेललाई धपाउन खोज्दा आक्रमण गरेको बताईएको छ । आक्रमणबाट घाइते भएका मनोरथ सहित स्थानीय बल्देव कार्की वीरभान सार्की र हरिदत्त जोशी घाइते भएको प्रहरीले जानकारी गराएको छ । घाईते मनोरथको उपचारको क्रममा सोमबार राति डडेल्धुरा अस्पतालमा मृत्यु भएको प्रहरी निरीक्षक खड्काले जानकारी गराएका छन । बलदेवको धनगढीमा उपचार भइरहेको बताउदै उनले वीरभान र हरिदत्त जोशीको स्थानीय स्वास्थ्य संस्थामै उपचार गरिएको जानकारी गराउनु भयो ।
पछिल्लो केही वर्ष यता जंगली जनावरले आतंक मच्चाउन थालेको बताउदै बालीनाली नष्ट गर्नुका साथै मानिस माथिनै आक्रमण गर्न थाले पछि समस्या भएको बताईएको छ ।