माघ १६ धनगढी
सेती प्रादेशिक अस्पताल धनगढीमा उपचाररत २ जना कोरोना संक्रमितको मत्यु भएको छ । पछिल्लो २४ घण्टामा कैलालीको गौरीगंगा नगरपालिका वडा नम्बर– ८ का ६५ बर्षिय पुरुष र कञ्चनपुरको कृष्णपुर नगरपालिका वडा नम्बर – १ का ३५ बर्षिय पुरुष गरी दुई जनको मृत्युु भएको अस्पतालका सूचना अधिकारी दिलिप कुमार श्रेष्ठले जानकारी दिएका छन ।
उनका अनुसार पछिल्लो २४ घण्टामा ४ जना संक्रमण मुक्त भएका छन भने ३ कोरोना संक्रमित कोरोना उपचारका लागि अस्पतालमा भर्ना भएका छन ।
हाल सेतीमा १८ जना कोरोना संक्रमितको उपचार भइरहेको छ । जसमध्ये ६ जनाको आइसियु र १ जना भेन्टिलेटरमा राखेर उपचार भइरहेको उनले जानकारी गराएका छन । पछिल्लो २४ घण्टामा सेतीमा कोरोना परिक्षण भने नभएको अस्पतालका सूचना अधिकारी श्रेष्ठले जानकारी दिएका छन ।