असार ०५ धनगढी । सुदूरपश्चिमका ३ वटा निर्माण कम्पनी कालो सूचीमा परेका छन्। तोकिएको समयमा काम नसक्ने र योजना अलपत्र पार्ने ३ वटा निर्माण कम्पनीलाई सार्वजनिक खरिद अनुगमन कार्यालयले काकालो सूचीमा राखेको हो।

कार्यालयले सूचना जारी गर्दै सार्वजनिक निकायहरुको सिफारिसमा समयमै काम सम्पन्न नगर्ने निर्माण कम्पनीहरुलाई कालो सूचीमा राखिएको जनाएको छ। कञ्चनपुरको महाकाली गौरव बिल्डर्स प्रालि, बझाङको न्यू कालिका निर्माण सेवा, डोटीको भूमिराज रोशन निर्माण सेवालाई कालोसूचीमा राखिएको हो ।

निर्माण व्यवसायी तथा आपूर्तिकर्ताहरुले कालो सूचीमा राखिएको अवधिभर सार्वजनिक निकायको कुनैपनि खरिदको काम कारबाही गर्न नपाउने व्यवस्था रहेको छ।