जेठ २२ धनगढी । कैलाली उद्योग बाणिज्य संघको नेतृत्वका लागि चुनाबी सरगर्मी बढेको छ । चुनाबी सरगर्मी बढेसंगै दुई वटा प्यानलले छुट्टाछुट्टै चुनावी तयारी थालेका छन् । जेठ २८ गते हुने उद्योग बाणिज्य संघको चुनावमा दुइ वटा समूहले छुट्टाछुट्टै प्यानल बनाएर तयारी थालेका हुन ।
कुनै समय जिल्लाभर ठुलो संगठन रहेको संघ अहिले धनगढी मा खुम्चिएको छ । जिल्लाभर नगर उधोग बाणिज्य संघहरु सकृय हुँदा कैलाली उद्योग बाणिज्य संघका सदस्यहरुको सँख्या पनि कम हुँदै गएको छ । बर्तमान अध्यक्ष पुष्पराज कुँवर र व्यवसायी सुरेन्द्र राठीको नेतृत्वमा दुई वटा प्यानलले आईतबार छुट्टाछुट्टै मनोनयन दर्ता गरेका छन् ।
कुँवरको प्यानलमा अधिकांश पुरानै अनुहार दोहरिएका छन् भने राठीको प्यानलबाट धेरै नयाँ अनुहारहरू देखिएका छन् । त्यसैगरीै स्वतन्त्र रूपमा सचिव पदमा जयराज न्यौपानेले उम्मेदवारी दर्ता गराएका छन् ।
कुँवर प्यानलबाट वरिष्ठ उपाध्यक्षमा पुष्कर राज ओझा, एसोसिएट उपाध्यक्षमा मनोज अग्रवाल, उद्योग उपाध्यक्षमा दिनेश लम्साल, बाणिज्य उपाध्यक्षमा गगनराज केसी, वस्तुगत उपाध्यक्षमा लक्ष्मण पन्त, महासचिवमा ओम बिष्ट, कोषाध्यक्षमा भिष्मराज ओझा र सचिवमा सुरेश पाण्डेय उम्मेदवार रहेका छन् ।
त्यस्तै राठी प्यानलबाट वरिष्ठ उपाध्यक्षमा हरिशंकर ठाकुर, एसोसिएट उपाध्यक्षमा प्रकाशचन्द्र भट्ट, उद्योग उपाध्यक्षमा घनश्याम चौधरी, बाणिज्य उपाध्यक्षमा केशव जोशी, वस्तुगत उपाध्यक्षमा केशव पाण्डेय, महासचिवमा सिद्धराज पनेरू, कोषाध्यक्षमा रंजन शर्मा र सचिवमा महेन्द्रबहादुर सिंह रहेका छन्।
