चैत्र ०७ धनगढी । सुदूरपश्चिम प्रदेशमा एक महिनाको अबधीमा ८६ जनालाई लागुऔषध सहित प्रहरीले पक्राउ गरेको छ । फागुन महिनामा सुदूरपश्चिम प्रदेशभरी ८६ जनालाई प्रहरीले लागुऔष सहित पक्राउ गरेको हो ।
फागुन महिनामा ८२ जना पुरुष र ४ जना महिला गरी ८६ जनालाई पक्राउ गरिएको सुदूरपश्चिम प्रदेश प्रहरी कार्यालय धनगढीले जानकारी गराएको हो ।
त्यसैगरी एक महिनाको अवधिमा लागुऔषध चरेश २ किलो ६० मिलिग्राम,खैरोहिरोइन ९९ ग्राम ८ सय ९० मिलिग्राम र एम्पुल फेनारगन १ सय ५ ट्याब्लेट बरामद गरेको सुदूरपश्चिम प्रदेश प्रहरी कार्यालय धनगढीका प्रवक्ता एवं प्रहरी वरिष्ट उपरीक्षक पदमबहादुर बिष्टले जानकारी गराए ।
त्यैगरी एक महिनामा लागुऔषध सम्बन्धी ५३ वटा मुद्धा दर्ता भएको उनले जानकारी गराए । एक महिनामा ज्यान सम्बन्धी ५८,आत्महत्याका ५२,चोरी सम्बन्धी १३,संगठित तथा आर्थिक अपराधका ६१,सामाजिक अपराधका ५३,महिला तथा बालबालिका सम्बन्धी अपराधका २२, सवारी ज्यानका १५ र अन्य ३१ वटा गरी ३ सय ५ वटा मुद्धा दर्ता भएको उनले जानकारी गराए ।
घरेलु हिंसाका ७३ वटा उजुरी परेकोमा ५९ वटा मिलापत्र गरिएको,७ वटा अदालत पठाइएको तथा ७ वटा उजुरी प्रक्रियामा रहेको उनले जानकारी गराए । त्यसैगरी एक महिनामा प्रदेशभरी ५२ जनाले आत्महत्या गरेको सुदूरपश्चिम प्रदेश कार्यालयले धनगढीको तथ्यांकमा उल्लेख छ ।
फागुन महिनामा २१ जना पुरुष, १९ जना महिला,३ जना बालक र ९ जना बालिकाले आत्महत्या गरेको सुदूरपश्चिम प्रदेश प्रहरी कार्यालयले जनाएको छ । जसमध्ये ४६ जनाले झुण्डिएर ६ जनाले बिष सेवन गरेर आत्महत्या गरेको प्रहरीले जनाएको छ । फागुन महिनामा आत्महत्या सम्बन्धि ५२ वटा मुद्धा दर्ता भएको प्रहरीले जनाएको छ ।
