दिन प्रतिदिन बलात्कारका घटना बढ्दै गईरहेका छन । अझै बलात्कार पछि हत्याको डरलाग्दो घटनाहरु बढ्दै गएका छन । खोला नाला, नदी किनार र जंगलमा महिलाहरुका शव भेटिने गरेका छन ।
बलात्कार पछि हतया गरिनेक्रम बढुदै गएको छ । बलात्कारका घटनामा सम्लग्न अपराधीहरुलाई कडा सजाय हुन नसक्नु र उल्टै बचाउन खोज्नुले पनि बलात्कारका घटना मौलाउदै गईरहेका छन । बलात्कार पछि हत्या गरिएकी निर्मला पन्तका हत्यारा अहिले सम्म आजाद घुमिरहेकाले पनि बलात्कारका घटनाहरु बढ्दै जान थालेका छन ।
पाशविक रुपमा बलात्कार गरी हत्या गरिएका घटनामा समेत अपराधीलाई बचाउने कार्यले गर्दा आज महिलाहरु असुरक्षित बन्दै गएका छन । बलात्कार र हत्या घटनाका अपराधीलाई आजीवन काराबासको सजाय हुन जरुरी छ । बलात्कार घटनामा अपराधीलाई उन्मुत्ती दिनेलाई पनि सजायको भागीदार बनाउन आवश्यक छ ।
बलात्कारका घटनाहरु बढदै जानुमा कानुनको कार्यान्वयन नहुनु पनि हो । बलात्कारका घटनामा बढीजसो आफन्त, छिमेकी र चिनजानका मानिस नै संलग्न भएको प्रहरीको अनुसंन्धानले देखाएको छ । पछिल्लो समयमा बलात्कारका नाममा फसाउने प्रवृती पनि बढदै गएको छ ।
बास्तबमा बलात्कारमा परेकी महिलाले न्याय पाउन जरुरी छ र ब्याक्तीगत स्वार्थका कारण बलात्कार जस्तो गम्भिर मुद्धामा फसाउने महिलाहरुलाई पनि प्रहरीले कारबाहि गर्न आवश्यक छ । मनपर्दा माया मन अघाउदा बलात्कारका नाममा फसाउने जस्ता कार्यहरु पनि हुदै आएका छन ।
सहमतीमा हुने शारीरीक सम्बन्धलाई पनि बलात्कारको रुप दिए्र फसाईएका उदाहरण छन । यस्ता उदाहरणबाट पाठ सिक्न जरुरी छ । निर्दोष नफसोस दोषी नउम्कियोस त्यसका लागी प्रहरी अनुसंन्धान गतिलो र प्रभाबकारी हुन आवश्यक छ । बढ्दै गएका बलात्कारका घटनाहरुलाई रोक्न कानुनको सही कार्यान्वयन हुन जरुरी छ । अपराधीलाई कारबाही गर्न जरुरी छ ।
