मंसिर ३० डडेल्धुरा । डडेल्धुराको नवदुर्गा गाउँपालिकाले अभिभावक विहीन ९४ जना बालबालिकालाई सामाजिक सुरक्षा भत्ता प्रदान गर्दै आएको छ ।
गाउँपालिकाले आर्थिक वर्ष २०७४÷७५ देखि अभिभावक विहीन ९४ जना बालबालिकालाई सामाजिक सुरक्षा भत्ता प्रदान गर्दै आएको हो । पालिकाकी उपप्रमुख निर्मला विष्टले ती बालबालिकालाई जनही एक हजार प्रदान गरिदै आएको बताईन ।
त्यसबाट उनीहरूलाई थोरै भए पनि सहयोग पुग्ने बताउदै उनले भत्ता रकम आमाबाबु गुमाएका बालबालिका तथा पारिवारिक र सामाजिक वञ्चितीकरणमा परेका १८ वर्षमुनिकालाई प्रदान गरिदै आएको जानकारी गराईन ।
गाउँपालिकाले राहत तथा उद्धारकोष मार्फत कार्यविधि बनाएर सुरक्षा भत्ता प्रदान गर्द ै आएको उनले जानकारी गराईन ।
