माघ १६ धनगढी
प्रेस काउन्सिल नेपालले आर्थिक वर्ष २०७५÷७६ र २०७६÷७७ को पत्रपत्रिका वर्गीकरणको नतिजा सार्वजनिक गरेको छ ।
प्रेस काउन्सिल ऐन, २०४८ को दफा १० बमोजिम गठित पत्रपत्रिका वितरण सम्परीक्षण समितिको वर्गीकरण प्रतिवेदनको आधारमा आर्थिक वर्ष २०७५÷७६ र २०७६÷७७ को वर्गीकरणको नतिजा सार्वजनिक गरिएको हो ।
सुदूरपश्मि प्रदेशको धनगढीबाट प्रकाशित हुदै आएको खबर रफ्तार नेपाली दैनिक ग बर्गमा परेको छ । त्यसैगरी धनगढीबाटै प्रत्येक आईतबार निरन्तर प्रकाशित हुदै आएको युग सरोकार राष्ट्रिय साप्ताहिक फेरी पनि ख बर्गमा परेको छ ।
आर्थिक वर्ष २०७५÷७६ को वर्गीकरणको लागि प्रदेशस्तरमा १ सय ६६ वटा, राष्ट्रियस्तरमा १ सय ६५ वटा, स्थानीयस्तरमा ५ सय ५२ वटा गरी ८ सय ८३ पत्रपत्रिका दर्ता भएका थिए ।
जसमध्ये क वर्गमा २ सय १९, ख वर्गमा ४ सय ७६, ग वर्गमा १ सय ३७ र घ वर्गमा १५ वटा परेका छन । त्यसैगरी नियमित तर हुबहु र वर्ग कायम नभएका ३६ वटा पत्रपत्रिका रहेका छन् ।
त्यसैगरी आर्थिक वर्ष २०७६÷७७ को वर्गीकरणको लागि प्रदेशस्तरमा १ सय ६९, राष्ट्रियस्तरमा १ सय ४९, स्थानीयस्तरमा ५ सय ६० गरी जम्मा ८ सय ७८ पत्रपत्रिका दर्ता भएका थिए ।
जसमध्ये क वर्गमा २ सय ३९, ख वर्गमा ४ सय ३१, ग वर्गमा १ सय ६३ परेका छन । त्यसैगरी नियमित तर हुबहु र वर्ग कायम नभएका ४५ वटा पत्रपत्रिका रहेका छन् ।