माघ २० धनगढी । नेपाली काँग्रेस कैलाली निर्बाचन क्षेत्र नम्बर ५ का प्रतिनिधि सभा सदस्यका उम्मेद्वार नरनारायण शाह मनुले आगामी प्रतिनिधि सभा निर्वाचन २०८२ का लागि आफ्नो प्रतिबद्धता पत्र सार्वजनिक गरेका छन् । मंगलबार धनगढीमा आयोजित पत्रकार सम्मेनमा क्षेत्रीय सभापति भिम पडालले उम्मेद्वार शाहको प्रतिबद्धता पत्र वाचन गरी सार्वजनिक गरेका हुन् ।
कार्यक्रममा पार्टीका नेता–कार्यकर्ता, शुभेच्छुक, स्थानीय बुद्धिजीवी तथा सर्वसाधारणको उपस्थिति रहेको थियो । प्रतिबद्धता पत्रमा उम्मेद्वार शाहले नीति तथा कानून, युवा रोजगारी, शिक्षा–स्वास्थ्य, कृषि, उद्योग, पूर्वाधार, सुशासन, पर्यटन र समावेशी विकासलाई आफ्नो एजेन्डा बनाएका छन ।
प्रतिबद्धता पत्रमा सुदूरपश्चिम प्रदेशलाई समृद्ध प्रदेश बनाउने उद्देश्य सहित प्रतिनिधि सभा र संसदका विभिन्न समितिमा प्रभावकारी भूमिका निर्वाह गर्ने प्रतिबद्धता गरिएको छ ।
शाहले सहिद दशरथ चन्द राष्ट्रिय स्वास्थ्य विज्ञान विश्वविद्यालय, फाप्ला अन्तर्राष्ट्रिय क्रिकेट रंगशाला, पश्चिमसेती र पञ्चेश्वर जलविद्युत आयोजना, महाकाली करिडोर, सेती लोकमार्ग, २२० केभी प्रसारण लाइन विस्तार लगायतका राष्ट्रिय गौरवका आयोजनाको कार्यान्वयनका लागि संसदमा सशक्त आवाज उठाउने प्रतिबद्धता जनाएका छन् ।
धनगढी उपमहानगरपालिकालाई महानगरपालिकामा स्तरोन्नति गर्न संघीय सरकारसँग पहल गर्ने, भूमिहीन, सुकुम्बासी, दलित, मुक्त कमैया तथा मुक्त हलियाको दीर्घकालीन समस्या समाधान गर्दै लालपूर्जा वितरण प्रक्रिया अघी बढाउने उनले प्रतिबद्धता गरेका छन ।
त्यसैगरी युवा पुस्तालाई केन्द्रमा राख्दै आधुनिक सूचना प्रविधि पार्क स्थापना,युवा संवाद र नवप्रवर्तन प्लेटफर्म मार्फत जेनजीको आवाज नीतिमा रूपान्तरण गर्ने उनले प्रतिबद्धता गरेका छन ।
धनगढीमा प्रस्तावित नेपाल इन्स्टिच्युट अफ टेक्नोलोजी स्थापना गर्न जग्गा र पूर्वाधारको व्यवस्था गर्न पहल गर्ने , स्वदेशमै रोजगारी सिर्जना गर्न सीपमूलक तालिम, व्यवसाय इन्कुवेसन सेन्टर, स्टार्टअप इकोसिस्टम विकास र निजी क्षेत्रसँग सहकार्यमा युवामैत्री रोजगारी नीति निर्माणमा संसदमा सक्रिय भूमिका खेल्ने उम्मेद्वार शाहले प्रतिबद्धता पत्र मार्फत प्रतिबद्धता जाहेर गरेका छन ।
लागूऔषध दुव्र्यसन न्यूनीकरणका लागि अभिभावक, विद्यालय र स्थानीय प्रशासनको सहकार्यमा अभियान सञ्चालन गर्ने , गेटामा रहेको सहिद दशरथ चन्द राष्ट्रिय स्वास्थ्य विज्ञान विश्वविद्यालयलाई पूर्ण क्षमतामा सञ्चालन गरी मेडिकल अध्ययन सुरु गर्न आवश्यक बजेट सुनिश्चित गर्ने उनले प्रतिबद्धता गरेका छन ।
सेती प्रादेशिक अस्पतालको संगठनात्मक संरचना सुधार गरी गुणस्तरीय स्वास्थ्य सेवा विस्तार गर्ने, नगर स्वास्थ्य केन्द्रमा विशेषज्ञ चिकित्सकको व्यवस्था गर्ने , २५ शैयाको अस्पताल स्थापना गर्ने विषय पनि प्रतिबद्धता पत्रमा समावेश गरिएका छन ।
सामुदायिक विद्यालयको भौतिक पूर्वाधार सुधार, डिजिटल कक्षा, विज्ञान प्रयोगशाला तथा प्रविधिमैत्री शिक्षा प्रवद्र्धनका लागि बजेट सुनिश्चित गनर्,े धनगढी रंगशालालाई आधुनिक रंगशालाको रूपमा विकास गर्ने र विभिन्न वडाका खेलमैदान स्तरोन्नतिका लागि पहल गरिने प्रतिबद्धता पत्रमा उल्लेख गरिएको छ ।
त्यसैगरी कृषि क्षेत्रमा सिँचाइका लागि डिप बोरिङ र ट्युबेलको मर्मत, कृषि पकेट क्षेत्र विकास, उत्पादनको बजारीकरण र अनुदान प्रणालीलाई पारदर्शी बनाउने प्रतिबद्धता गरिएको छ । खाद्य आत्मनिर्भरता, रासायनिक मलको समयमै आपूर्ति, गुणस्तरीय बीउ र प्राविधिक सेवाको पहुँच विस्तार गर्ने प्रतिबद्धता गरिएको छ ।
कैलालीमा औद्योगिक क्षेत्र स्थापना, आन्तरिक तथा वैदेशिक लगानी भित्र्याउन लगानीमैत्री वातावरण निर्माण र सार्वजनिक–निजी साझेदारी (पीपीपी) मार्फत रोजगारी सिर्जना गर्ने नीति बनाउने प्रतिबद्धता पत्रमा उल्लेख गरिएको छ ।
धनगढी उपमहानगर पालिका र कैलारी गाउँपालिकामा वर्षायाममा हुने डुबान र नदी कटानको दीर्घकालीन समाधानका लागि बृहत्तर तटबन्धन योजना सञ्चालन गरिने प्रतिबद्धता गरिएको छ । धनगढी विमानस्थल विस्तार, अत्याधुनिक बसपार्क निर्माण, आकाशे पुल, भित्री सडक स्तरोन्नति, पक्की पुल निर्माण तथा खानेपानी आयोजनालाई प्राथमिकता दिने प्रतिबद्धता गरिएको छ ।
त्यसैगरी भ्रष्टाचार विरुद्ध शून्य सहनशीलता, दलित, आदिवासी जनजाति, थारु, रानाथारु, मुस्लिम, महिला, लैंगिक अल्पसंख्यक र अपाङ्गता भएका व्यक्तिको समावेशी विकासलाई प्राथमिकतामा राखिने प्रतिबद्धता गरिएको छ ।
श्रमिक हकहित, सामाजिक सुरक्षा कोष, महिला सशक्तीकरण र स्वरोजगार कार्यक्रमलाई जोड दिने प्रतिबद्धता गरिएको छ ।
पर्यटन र संस्कृतिको विकासका लागि कनरी पार्क, नेतुवा ताल, बेहडाबाबा, शिवपुरीधाम, जाखोर ताल लगायतका क्षेत्रलाई धार्मिक तथा पर्यटकीय गन्तव्यको रूपमा विकास गर्ने, थारु र रानाथारु होमस्टे प्रवद्र्धन गर्ने तथा जातीय संग्रहालय निर्माण गर्ने प्रतिबद्धता पत्र मार्फत प्रतिबद्धता गरिएको छ ।
उम्मेद्वार शाहले जनताको अपेक्षा, सुझाव र सल्लाहलाई केन्द्रमा राखेर काम गर्ने बताएका छन । कैलाली क्षेत्र नम्बर ५ को समग्र विकासका लागि इमानदार, जवाफदेही र परिणाममुखी भूमिका निर्वाह गर्ने उनले बताएका छन ।
